ليه الراجل المصرى زوج صعب ؟؟؟؟

[freebird]

سؤال دائما يدور في عقلى ليه الرجل المصري زوج صعب؟
هل ده بسبب
فرعونيته التي ورثها من أجداده ؟
ام بسبب تهاون المراة المصريه في حقوقها؟http://www.haridy.ws/ib/images/smilies/hlp.gif
لأ والناس يشوفوا الافلام المصريه يفتكروا كل الرجال المصرين
بيعاملوا زوجاتهم زي اللي بيشفوه في الافلام باللين والهواده والمحبة و الاخوة http://www.haridy.ws/ib/images/smilies/999.gif
حتقولوا بقتري لأ حديكم أمثله شفتها بأم عيني


المنظر الأول
ليل أسود خارجي
المكان مدينة الدمام بالسعودية امام أحدى المجمعات التجارية
تقف سيارة نص عمر في الممنوع وينزل منها رجل مصري
تقولى عرفتي ازاي اقولك بتعرفوا من شكلهم http://www.haridy.ws/ib/images/smilies/cool.gif
يمسك الموبيل ويتصل برقم في عصبية ا
هو : وبصوت مرتفع جدااااااا انتوا فين
الطرف التاني: ؟؟؟؟؟؟؟؟؟؟؟؟؟؟؟
ماهو انا مش سامعاه
هو : طيب يالا بسرعة كفاية كده

المنظرالثاني: ؟؟؟؟؟؟؟؟؟؟؟؟؟

هو : مش هاروح الموقف يالا بسرعة انا واقف في الممنوع
ويقفل الخط ويقف بجوار السيارة http://www.haridy.ws/ib/images/smilies/diablo2.gif
يأتي الشرطي عليه
الشرطي : يالا ياأخي لا تعطل الطريق
هو : دقيقة واحده المدام اهي جايه
الشرطي : زين لاتطول
ويتصل بالموبيل مره أخرى
هو: مش قولنا يالا انا اتخدت مخالفة
انا في سرى : كدااااااب
زوجته اكيد هي بقى الطرف التاني :؟؟؟؟؟؟؟؟؟
هو : مش هوقف السيارة في الزفت يالا بسرعه
بعد عشر دقائق تقريبا تأتي سيده معها ثلاث أطفال وتدفع امامها ترولي ملىء بالأكياس
عليها اسم متجر للبضائع المخفضة واضح ان بها هدايا
أكشششششششششششششششششششششششششن
المصري المعروف بجبروته وقوته وبلاش أقول رخامته
هو : وبصوت عالى جدا جدا شرفتي ياهانم وانتي يهمك ايه
مانتي نايمه طول النهار والحمار المربوط في الساقيه ان شاالله يولع
الزوجه : صمت مشوب بالحذر وتتلفت حولها
هو : يفتح شنطة السيارة بعصبية ويبدأ برمي الاكياس بها
ومع كل كيس يديها من المنقي خيار http://www.haridy.ws/ib/images/smilies/vava.gif
هو ايضا : يرمي كيس الله يقطع الحريم ومشيهم
الكيس التاني تحاول تساعده اترزعي جوه السياره
هي : الناس بتبوصلنا
هو : اقفلى بؤك ومسمعش صوتك احسن حخليها ليله سودا
يقوم أحد المطوعين من مكتبه _ وهم يجلسون على مكاتب يجمعون تبرعات للجمعيات الخيرية-
المطوع : استعيذ بالله ياأخي http://www.haridy.ws/ib/images/smilies/old.gif
هو : لا يرد على الرجل ومستمر في الفرعونيه المعهوده
ابني : ايه ياماما الراجل ده متروحي تحوشيه
انا: احوش مين يابني دا عامل زي قطر تلاته وتلت الحربي واخد في وشه
المطوع : عيب عليك كده فرجت الناس على زوجتك
أكششششششششششششششششششششششششششششششن
تنفجر الزوجة
هي : كمان عماله الف بقالي تلت ساعات اجيب هدايا لامك واخواتك
امال لو لأهلي كنت عملت ايه آخر لبسهم هم يلبسوا واحنا تفرج علينا الناس
والله لو نطقت كلمة كمان لا أعمل واسوى
هو : محدش قالك جيب
هي : لو مجبناش يقولوا مراته هي السبب وانت متقدرش تكح معاهم
ويسكت فرعون -الصمت الرهييييييييييييب-http://www.haridy.ws/ib/images/smilies/giveup.gif
ابني : هو سكت ليه
انا : حتشبسوت شكمته
وترمي نفسها في السيارة ويندفع مسرعا زي الافلام الأمريكاني

[ghost]

منكم لله يا سحالي فضحنا بره و جوه

[كتكوووتة]

معلش يا فيرى ادام الحرب بقت خارجية :36_1_6: دى الوقتى يبقى لازم ندافع عن الرجل المصرى ( احنا برده لسه فى فترة هدنة ) اما لو كانت داخلية فاكيد حيفضل الصراع ما بينا :36_6_7:
يا فيرى مين اللى قال ان الزوج المصرى بالذات زوج صعب :36_11_13:فالرجل فى كل مكان فى العالم تختلف شخصيته فيه الشخصية الهادية أوالعصبية أو...........ليه بتقولى على المصرى بالذات كده
ومين اللى قال ان المرأة المصرية بتتهاون فى حقوقها
هو فيه حد بيقدر يكلمنا دى الوقتى ده احنا واخدين حقنا تالت ومتلت :36_9_2:
انا مش عارفة انت بتجيبى الاشاعات دى منين يا فيرى :36_1_1:

[freebird]

صدقينى يا كتكوتة انا مش بظلم الراجل المصرى ، ومش كل الرجالة زى بعض بس صدقينى فى نماذج بالشكل ده ومتقدريش تنكرى ان كلامى مش :36_1_30: صح .. صدقينى انا شفت بعنيا مواقف كتير كان الرد الوحيد لو انا كنت مكان الفتاه دى او الزوجة تصرف تانى خالص :36_6_7:.
الحمد لله صحيح احنا اخدنا حقوقنا اللى بس خدى بالك ده مش منحة من الراجل او الدولة ده حق اخدناه فى اسلامنا وكان لازم يتطبق ...

وصدقينى لو كل راجل عرف ان الرجولة مش بقوة العضلات والصوت العالى كانت الدنيا هتبقى احلى واحلى ...

[نورى]

أه صحيح إحنا حقوقنا مبينة فى الدين الإسلامى من قديم الأزل بس ما حدش بيبص عليها

و كمان المرأة غلطانة هى بتقعد تشتكى و تقول الراجل دكتاتور و هى اللى فى الأساس خلتة كده :36_6_7: :36_6_7:

يعنى مثلا البنت تبقى معترضة على طريقة الراجل و أول ما تخلف ولد تطلعة بنفس الطريقة و كل حاجة يعملها تقولة أنت راجل مش مهم إنك عملت كذا مش مهم إنك جيت متأخر مش مهم إنك مصاحب و تفضل بقى تعقد فى البنت يا حرااااااااام :36_1_4: :36_1_4: كل شوية تقولها عيب أنتى بنت ما تعمليش كده ما تعليش صوتك ما تخرجيش مع أصحابك و قال إيه تشتكى فى الأخر :36_1_10: :36_1_10:

لو البنت و الولد أتربوا تربية إسلامية من الأول لإنهم متساويين قدام ربنا فى الحقوق و الواجبات المجتمع مش هيبقى فى حاجة غلط