وقفة احتجاجية للفنانين

[حميد بدوى]

والله انت محظوظ يا احمد يا شعبان
وعملوك جنازة عسكرية ولفوك بالعلم كمان
واسمك بقى على كل لسان
واتكلموا عنك فى كل البرامج والفضائيات والبرلمان
اتقالت فيك خطب وافتكروك بعد الموت
ونسوا انك فى الاساس جندى غلبان
ربنا يرحمك ويرحمنا ونفوقوا من حالة الضعف والهوان
اللى قتلك مش اهل غزة
اهل غزة زيهم زيك تمام
انت متحاصر بالاومر العسكرية
وهما متحاصرين من كل مكان
اللى قتلك وبقولها بصوت عالى
اللى قتلك النظام
اللى اول ما فكروا يبنوا بنوا جدار
شفت العجب وفولاذى كمان
علشان يزودا الحصار
ودلوقتى هيعملوك وقفة احتجاجية
فيها كام فنان واولهم فنان السلطة عادل امام
ومش بعيدة كمان يعملولك مقام
ويحطوا اسمك على شارع او ميدان
يارب انا مش بعترض ولكن ياريت بالمرة
ترفعوا قيمة الانسان
وتجيبوا الة حاسبة وتحاسبوا اللى ماتوا
على ايد الكيان الصهيونى وتقولوا كام
وساعتها بس هيسكت الكلام
ربنا يرحمنا ويرحمك يا احمد يا شعبان
كان نفسى الوقفة تكون علشان الجدار
كان نفسى الوقفة تكون علشان الحصار
ولا انتم بتقفوا بأمر من النظام
مصر هى اللى عايزة وقفة قبل ما يفوت الاوان
ولا باين فات الاوان
مصر ماتت من زمان مصر ماتت من زمان

[حميد بدوى]

ينظم الفنان عادل إمام وقفة احتجاجية اليوم السبت، بمسرح الهرم فى السابعة مساء، اعتراضا على ما حدث فى رفح من مقتل الجندى المصرى أحمد شعبان على الحدود مع قطاع غزة برصاص تم إطلاقه من الشطر الفلسطينى من مدينة رفح الحدودية، وإصابة تسعة آخرين بجراح طفيفة، نتيجة إلقاء فلسطينيين الحجارة عليهم.

يشارك فى الوقفة الاحتجاجية عدد من فنانى مصر وأعضاء النقابة برئاسة النقيب د. أشرف زكى وبحضور الكاتب يوسف معاطى والفنانة ميرفت أمين والفنان سعيد عبد الغنى. وغيرهم
هذا نقلا عن اليوم السابع
وكلماتى كانت عبارة
تعليق على هذا الخبر

[makhlouf]

ينظم الفنان عادل إمام وقفة احتجاجية اليوم السبت، بمسرح الهرم فى السابعة مساء، اعتراضا على ما حدث فى رفح من مقتل الجندى المصرى أحمد شعبان على الحدود مع قطاع غزة برصاص تم إطلاقه من الشطر الفلسطينى من مدينة رفح الحدودية، وإصابة تسعة آخرين بجراح طفيفة، نتيجة إلقاء فلسطينيين الحجارة عليهم.

يشارك فى الوقفة الاحتجاجية عدد من فنانى مصر وأعضاء النقابة برئاسة النقيب د. أشرف زكى وبحضور الكاتب يوسف معاطى والفنانة ميرفت أمين والفنان سعيد عبد الغنى. وغيرهم
هذا نقلا عن اليوم السابع
وكلماتى كانت عبارة
تعليق على هذا الخبر

وتعليقي على هذا الخبر

وأين كان هؤلاء الفنانين عندما أطلق الجنود الإسرائيليين النار
على الجنود المصريين على الجانب المصري من الحدود وقتلوهم ؟

وأين كان هؤلاء الفنانين عندما أطلق الجنود الإسرائيليين النار
على المواطنين المصريين المقيمين على الجانب المصري من الحدود وقتلوهم ؟

أم أنّ الفنانين مثلهم مثل السياسيين والبرلمانيين والحزبيين الوطنيين في مصر
قد أصيبوا جميعا بالحول الإرادي فأصبحوا لا يرون إلا بناء على التوجيهات ؟

إنّ الحكم العاقل والعادل على الأمور يقتضي إجراء مقارنة للأوضاع قبل الحكم

والمقارنة تقول بأن الفلسطيني الذي أطلق النار أطلقها على من يحاصره ويمنع عنه الطعام والكساء (من وجهة نظره على الأقل)

أما الإسرائيلي فهو يطلق النار على صديقه المخلص الذي يحميه ويرعى حدوده ويحرص على أمنه ويقيه من اعتداء الفلسطينيين عليه!

فمن من الطرفين يكون له الحق في إطلاق النار؟
ومن من الطرفين يحتاج لوقفة من الفنّانين؟

سأترك الإجابة للفنانين المصريين !

ومع ذلك فأنا لا أطالب بالتحيّز للفلسطينيين
وإنّما بأن تكون المعاملة بالمثل
أم أنّ من يقتله الفلسطينيين مهم
ومن يقتله اليهود غير مهمّ ؟
أم أنّ معاهدة كامب ديفيد تنص على أنّ من حق اليهود إطلاق النار على المصريين على الجانب المصري من الحدود
ولذلك لا تعترض مصر الرسمية ولا السياسية ولا الفنيّة؟

أم أنّ الفنّانين المصريين يعلمون مالا نعلم
ولذلك يعملون بمنطق: مين قدّم السبت لقى الحدّ قدّامه؟؟؟


ده إنتم طلعتوا أغبياء بشكل؟
فنّانين إيه وزفت إيه
كسفتونا جاكم البلا

:36_6_7:

[دوري]

والله يا أستاذ حميد حضرتك عندك
حق فى كل كلمه
حاجه تحزن
يا ما جنود مصريه ماتت برصاص أسرائيلى ولا سمعنا عنهم
ولا أتعملت لهم جنازه زى دى
هو الله يرحمه محدش قال حاجه
بس طريقه شحن الناس بالطريقه دى ونصورلهم أن الغزوايين دول وحوش
ومفيش فقلوبهم رحمه شئ غريب
كنتم فين يا فناين
وجنودنا بيموتوا برصاص أسرائيى
وعلى فكره انا عندى يقين مش شك بس
أن الرصاصه دى صهيونيه
ودى خطه مدبره
خليهم يكملوا بنا الجدار
ده أحنا بنحمى الامن الوطنى من تهريب المخدرات وخلافه
أصل خلاص مصر بخير!!!!
ومفيهاش مكان لتهريب المخدرات غير من حدودنا مع غزه
ربنا يبنتقم منهم
بحق صرخه كل طفل فى غزه
بحق خوف كل أم على أولادها من الجوع والمرض
آميييييييييييييييييييييييييييين يا رب العالمين

[حميد بدوى]

للاسف النظام بيعمل اى حاجة مقابل التوريث من يومين مكتوب فى الجرايد ان هناك دراسة لاستيراد الغاز
ومع ذلك احنا بنوصله من باطن الارض المصرية لحد تل ابابيب شبة مجانى
ومنعنا مولد السيد البدوى وغيرة من الموالد والحمد لله رغم حكم المحكمة واعتراض الشعب كله
عملنا مولد ابو حصيرة والحكومة بتعتبر ان دة اهم انجاز قدرت تحققة
هذا النظام ليس يعمل لمصلحة هذا الشعب ابدا فهو لا يعترف بالشعب اصلا

[ايمان احمد]

والله العظيم الراجل ده بيستهبل وبيستعبط فيها وقفة ايه دى ومشفناش حد فيهم عمل حاجة لما الالفين اسير اتقتلوا فى اسرائيل ليه ولا دول مكنوش مصريين وغير كده الزبالة ده بيهاجم حماس قبل كده واكيد حماس ملهاش يد فى قتله لان حماس اذكى من كده واللى قتلوه ماجورين عشان يشوهوا حماس بعد ما فضحت النظام المصري ومش عارفين يجيبوا اى عذر للجدار الظالم اللى هيتحاسبوا عليه يوم الدين جدار العار ال عشان المخدرات بتتهرب خلاص المخدرا هتجيلنا من غزة على اساس ان حنا معندناش مخدرات ومستنينها من غزة وتحمى امنها امنها ايه اللى هتحميه ومن مين من اهل غزة ما الاولى ان تحميه من اليهود ربنا ينتقم منهم

[حميد بدوى]

على فكرة مفيش حاجة اسمها امن قومى فية حاجة اسمها امن حدود اسرائيل
وزى ما قال مصطفى الفقى لسان النظام والمتحدث الرسمى
ان لازم او شرط اساسى ان امريكا توافق وترضى عن رئيس مصر القادم
وايضا رضا اسرائيل مع ان هذا الكلام معروف ونعرفه داخليا فقط يعنى فى سرنا
وكنت واحد من الناس اول ما بسمع الرئيس بيقول نحن دولة ذات سيادة
ولا نقبل اى ضغوطات كنت بضحك وقول لقد شربنا على سيادة الدولة قهوة سادة
تحية لايران التى لاتتحدى امريكا فحسب بل تتحدى العالم فقط من اجل مصلحتها
واجندتها زى ما بيقولوا انا مش عارف موضوع الاجندة يعنى اية
انا عن نفسى عندى اجندتين جلد طبيعيى