الشاعر أحمد فؤاد نجم

[كتكوووتة]

http://www.adab.com/photos/13201013.jpg (http://www.shabab3net.com/)

احمد فؤاد نجم

البطل الثائر ملهم الجماهير الفاجومي الشاعر الحبيب

حفظه الله وامد في عمره احمد فؤاد نجم

قال عنه الشاعر الفرنسي الكبير لويس اراجون

ان فيه قوه تسقط الاسوار

واسماه الدكتورعلي الراعي الشاعر البندقيه

الرئيس الراحل السادات يسميه الشاعر البذيء

ولقب بآخر الصعاليك المحترمين

وبشاعر تكدير الامن العام

من مواليد مصر شرقيه

1929 ولد عام

بسبب شعره سجن ثمانيه عشر عاما

[كتكوووتة]

ومن قصائده

الممنوعات

ممنوع من السفر
ممنوع من الغنا
ممنوع من الكلام
ممنوع من إلاشتياق
ممنوع من إلاستياء
ممنوع من إلابتسام
وكل يوم فى حبك
تزيد الممنوعات
وكل يوم باحبك
أكتر من اللى فات
حبيبتي يا سفينه
متشوقه وسجينه
مخبر فى كل عقده
عسكر فى كل مينا
يمنعني لو أغير
عليكي أو أطير
إليكي واستجير
بحضنك
أو أنام
فى حجرك الوسيع
وقلبك ألربيع
أعود كما الرضيع
بحرقه الفطام
حبيبتي يا مدينه
متزوقه وحزينه
فى كل حاره حسره
وف كل قصر زينه
ممنوع من إني أصبح
بعشقك .. أو أبات
ممنوع من المناقشه
ممنوع من السكات
وكل يوم فى حبك
تزيد الممنوعات
وكل يوم باحبك
أكتر من اللى فات


القاهره / 1976

[كتكوووتة]

المرجيحه

يا عم ادريس

ياعم ادريس

يا بو المرجيحه والقواديس

ما جاش الدور ؟

عشان يطلع قادوسي لفوق

أبوس النور وأطفي لعلالي شوقي

وأغنى فى الهوي موال

على ورد الخدود والخال

وادوق الحب سحر حلال

وأشوف الدنيا

وأبقي عريس

ياعم ادريس

ياعم ادريس

ياعم ادريس على الدور

أدور وأطلع مع الطالعين

كفايه سنين ياعم ادريس

ياعم ادريس

كفايه سنين

وأنا وعيال

كما العصافير

رفاقه كلنا وفرافير

يا دوب يعلا الجناح بينا

يعدينا القادوس ويطير

ونرجع تاني لأفراحنا

ولا عرفنا الطريق من فين

وجينا

زي ما رحنا

حياري ومحرومين لاتنين

نداوي بالغنا جراحنا

ونرمي اللوم على الجناحين

وجرح النفس له وجعين

يبكي القلب

قبل العين

وقاضى الحظ له شرعين

لاهل البخت ... والمتاعيس
ياعم ادريس

ياعم ادريس

وآه لو بختنا يشوفنا

ونرمي الزهر يدينا

وقاضي الحظ ينصفنا

ويحكم بالامل لينا

ونتمرجح على كيفنا

وينساب القادوس

بينا
يا خدنا بعيد ويحدفنا

وعند الشمس يرمينا

على بحر النسيم نسبح

وتسرح فيه أمانينا

وفوق شط النجوم ننزل

وترسي هناك مراسينا

ويبقي الجو هليله

تلعلع فيه

غناوينا

ونبدر

فى الفضا حبه

غناوي

كلها محبه

تقول للهم يتخبي

وترقص فى الهوي الفوانيس

ياعم ادريس ياعم ادريس

[كتكوووتة]

الشيخ عاشور

سلام مربع يا بلد
للشيخ عاشور
قلب الاسد
سلام يا واد
على دا ودا
لو دسته منه
فى البلد
ما كانش كان
كل اللي كان
ولا كان دا حالك يا بلد
مدد يا شيخ عاشور
مدد
مدد يا شيخ عاشور مدد

http://www.algloob1.20m.com/images/bnr-qloob.gif (http://www.shabab3net.com/)
رسالة رقم 1

( عزة المشار اليها هي الفنانة عزة بلبع المغنية المعروفة وقد تزوجها الازعر ايضا وحسبي الله ونعم الوكيل اما يوم 18 يناير فهو عيد الانتفاضة الشعبية التي خرجت ضد حكومة السادات ولم تعد للمنازل من القاهرة لاسوان سوى بالدبابات في الشوارع وكان وقتها السادات اخذ طيارة من الاسطول السادس وطار على اسون ومنها للسودان وحسني استخبى في بروسعيد لحد ما يشوف الدنيا رايحه فين )


كل ما تهل البشاير
من يناير كل عام
يدخل النور الزنازن
يطرد الخوف
والظلام
يا نسيم السجن ميل
ع الشجر وارمي السلام
زهر النوار
وعشش فى الزنازين .. الحمام
من سكون السجن
صوتي
نبض قلبي
من تابوتي
بيقولولك يا حبيبتي
كلمتي
من بطن حوتي
سلمى لي ع الحبايب
يا حبيبتي
سلمى لي
كل حب
وله نصيبه من سلامي
بلغي لي
احضنى العالم عشاني
بين عيونك
وابعتى لي
نظره
منها اشوف حبايبي
واشفي قلبي
واساليلي
كل عالم فى بلدنا
كل برج وكل مادنة
كل صاحب من صحابنا
كل عيل من ولادنا
حد فيهم شاف علامه
من علامات القيامه
قبل ما تهل البشاير
يوم تمنتاشر يناير
لما قامت مصر قومه
بعد ما ظنوها
نومه
تلعن الجوع والمذله
والمظالم
والحكومه ؟
سلمى لي ع الولاد السمر
خضر العمر
فى عموم الحواري
سلمي لي ع البنات
المخطوبين فى المهد
لسرير الجواري
واساليلي بالعتاب
كل قاري فى الكتاب
حد فيهم
كان يصدق
بعد جهل
بعد موت
ان حس الشعب يسبق
واي صوت
هى دي مصر العظيمه
ياحبيبتي
هى مصر
اللي فضلتى ف هواها
عشنا
على الف قصر
هى دي يا عزة
مصر

معتقل طره / يناير 1977

[كتكوووتة]

صرخة جيفارا

جيفارا مات
جيفارا مات
اخر خبر فى الراديوهات
وفى الكنايس
والجوامع
وفى الحواري
والشوارع
وع القهاوي وع البارات
جيفارا مات
واتمد حبل الدردشه
والتعليقات

مات المناضل المثال
ياميت خسارة على الرجال
مات الجدع فوق مدفعة جوه الغابات
جسد نضالة بمصرعه
ومن سكات
لا طبالين يفرقعوا
ولا اعلانات
ما رايكم دام عزكم
ياانتيكات
يا غرقانين فى المأكولات
والملبوسات
يا دافيانين
ومولعين الدفايات
يا محفلطين يا ملمعين
ياجيمسنات
( جمع لاسم جيمس بوند بالدارجة المصرية )
يا بتوع نضال اخر زمن
فى العوامات
ما رايكم دام عزكم
جيفارا مات
لاطنطنة
ولا شنشنه
ولا اعلامات واستعلامات

**
عينى عليه ساعه القضا
من غير رفاقه تودعه
يطلع انينه للفضا
يزعق
ولا مين يسمعه
يمكن صرخ من الالم
من لسعه النار ف الحشا
يمكن ضحك
او ابتسم
او ارتعش
او انتشى
يمكن لفظ اخر نفس
كلمه وادع
لجل الجياع
يمكن وصيه
للى حاضنين القضيه
فى الصراع
صور كتير
ملو الخيال
والف مليون احتمال
لكن
اكيد
اكيد
اكيد
ولاجدال
جيفارا مات
موتة رجال


ياشغالين ومحرومين
يا مسلسلين رجلين وراس
خلاص خلاص
مالكوش خلاص
غير بالبنادق والرصاص
دا منطق العصر السعيد
عصر الزنوج والامريكان
الكلمه للنار والحديد
والعدل اخرس او جبان
صرخه جيفار يا عبيد
في اى موطن او مكان
مافيش بديل
مافيش مناص
يا تجهزوا جيش الخلاص
يا تقولوا على العالم خلاص

القاهرة 1968

[كتكوووتة]

بهيـة

يسبق كلامنا سلامنا يطوف ع السامعين معنا
عصفور محندق يزقزق كلام موزون و له معنى
عن الارض سمرا و قمرا
و ضفه و نهر و مراكب
و رفاق مسيرة عسيرة
و صورة حشد
و مواكب
ف عيون صبية بهية
عليها الكلمة و المعنى

***
مصر يا امّة يا بهية
يام طرحة و جلابية
الزمن شاب و انتي شابة
هو رايح و انتي جاية
جايه فوق الصعب ماشية
فات عليكي ليل و مية
و احتمالك هو هو
و ابتسامتك هي هي
تضحكي للصبح يصبح
بعد ليلة و مغربية
تطلع الشمس تلاقيكي
معجبانية و صبية
يا بهية

***
الليل جزاير جزاير
يمد البحر يفنيها
و الفجر شعلة ح تعلا و عمر الموج ما يطويها
و الشط باين مداين
عليها الشمس طوافة
ايدك في ايدنا
ساعدنا
دي مهما الموجة تتعافى
بالعزم ساعة جماعة
و بالأنصاف نخطيها

***
مصر يا امّة يا سفينة
مهما كان البحر عاتي
فلاحينيك ملاحينيك
يزعقوا للريح يواتي
اللي ع الدفة صنايعي
و اللي ع المجداف زناتي
و اللي فوق الصاري كاتب
كل ماضي و كل آتي
عقدتين و التالته تابتة
تركبي الموجة العفية
توصلي بر السلامة
معجبانية و صبية.. يا بهية

***
و يعود كلامنا في سلامنا يطوف ع الصحبة حلواني
عصفور محني يغني
على الأفراح ومن تاني
يرمي الغناوي تقاوي
تبوس الأرض
تتحنى
تفرح
و تطرح
و تسرح
و ترجع تاني تتغنى
اللي بنى مصر كان في الأصل حلواني

1969م

[كتكوووتة]

رسالة إلى السجن

( مورته = ما يتبقى من الزبد الفلاحي بعد تسييله وهي مادة بنية ملحية يأكلها الفلاحون ويبيعون الزبد !!! - حيفسحوك بالدارجة تعني أنه سوف يذهب للسجن في عدة اماكن مختلفة و عند بعض اهالي منطقة بحري فلان عاوز يتفسح يعني عاوز يدخل لمؤاخذة الحمام وفي الصعيد فلان فسحوه يعني قتلوه ومثلوا بجثته عبر تمزيقها بالسكاكين واقامة فرح بهذا المناسبة ! )

حبيبي يا مجرم يا سافل
يا دون
يا رب السوابق
يا رد السجون
رزالتك معاهم
ونمك عليهم
دا زائد جنانك
ونعم الجنون
جابولي وجابولك
وياما يجيبوا لنا
لان البلد دي
حاكمها القانون
توقع ما بينى وما بين
الحكومه ؟
دي برضك حكومه
وأنا إيش أكون
أديك رحت مورته
وحتروح بشرطه
وحيفسحوك
فى جميع السجون
وأنا مش ح أزورك
كما كنت فاهم
ولا كنت فاهم
ولا يحزنون


القاهرة / 1979

[كتكوووتة]

بيان هام


( تقليدا لخطب انور السادات كتب احمد فؤاد نجم هذه القصيدة مقلدا صورته وحركاته وتسببت في رفع قضية ضده بتهمة سب وقذف موظف عام صفتة رئيس الجمهورية واطلاق صفة عليه وحين ترافع السيد احمد نبيل الهلالي محامي الحزب الشيوعي المصري عن نجم علل القاضي التهمة بان الشاعر استخدم " لازمة " السادات في خطاباته للتشهير به فرد المحامي النابة " طب بذمتك يا سيادة القاضي الريس بتاعنا ليه لازمة ؟ " ولقبه الشاعر بشحاتة المعسل والمعسل لا تعني ذو الطعم السكري بقدر ما تعني المعسل تبع الشيشة وخلافه حيث كان من المعروف عن البيه حبه الشديد للمخدرات
هنجف = كلمة اشتقاقية من كلمتي عنب و نجف والاثنتان تعبران عن تمام الشيء على أكمل وجة -
مراسح = لفظة مقلوبة مستخدمة للتندر على المسارح -
- شبندر = اشتقاق اخر من شهبندر و هو رئيس الطائفة من السوق في مصر المملوكية
- جراسن = جمع اشتقاقي لجرسون بالفرنسية وهو النادل او القائم باعمال الخدمة في صالونات القمار - يأنفس = تعني ولو مؤاخذة يضرب انفاس الحشيش وهي اشتقاقية ايضا - يبلبع تعني يتعاطي ادوية مخدرة على سبيل الكيف وكذلك يأفين بمعنى لمؤاخذة يضرب افيون - يهلفط = الهلفطة كلمة عربية فصيحة تعنى الكلام الغير معروف ومستخدمة عاميا بكثرة
- صهين تفلعص = صهين بعنى الطناش الفلعصة هي الحركة التي يقوم بها القرموط للإنزلاق من يد الصياد والدخول في طين الترع والمصارف مرة أخرى بفضل انسيابيته ولزوجة الطين )

هنا شقلبان
محطه إذاعه حلاوه زمان
من القاهرة
ومن كردفان
وسائر بلاد العرب
واليابان
ومن فنزويلا
وايضا ايران
ومن أي دار
او بلد مستباحه
بفعل السياحه
مع الامريكان

هنا شقلبان
محطه اذاعه حلاوه زمان
نقدم اليكم بكل اللغات
مراسح وسيما وجميع الفنون
صحافه ومنابر
وتليفويونات
وخطبا ف جوامع
وجبنه وزيتون

ونقزح ونركب جميع الموجات
ونبحث ونفهم
فى كل الشئون
وديما نلعلع فى كل الحالات
ولا حد سامع
ولا يحزنون

وتمسع ما تسمع
دا ما يهمناش
لان احنا اصلا
بناكل بلاش
فخليك فى نفسك
وما نخليناش
نسلط عليك القلم
واللسان

هنا شقلبان
محطه اذاعه حلاوه زمان
يسر الاذاعه
وما يسركوش
بهذي المناسبه
وما بندعيكوش
نقدم اليكم
ولا تقرفوش
شحاته المعسل
بدون الرتوش

شبندر سماسره بلاد العمار
معمر جراسن للعب القمار
وخارب مزارع
وتاجر خضار
وعقبال املتك
امير الجيوش
ما تقدرش تنكر
تقول ما اعرفوش
ما تقدرش ايضا
تقول ما اسمعوش
شحاته المعسل
حبيب القلوب
يزيل البقع
والهموم والكرب
يأنفس
يأ فين
يبلغ حبوب
ويفضل يهلفط
ولا تفهموش
وتفهم ما تفهم
دا ما يهمناش
لان انت فاهم
وعامل طناش
ح تنكر وتحلف
ح اقول لك بلاش
ح تتعب دماغنا
وتتعب كمان
هنا شقلبان
محطه اذاعه حلاوه زمان
لان المخبى ظهر واستبان
وكل المسائل
بدت للعيان
وطلعت حكاوي
ونزلت كمان
عن التهريبية
وعن كيت وكان
وعن محسوبيه
وعن العبان
ظهر فى المدينه
كانه الطوفان
وغرّق مراكب
وسوح غيطان
وبعض المراكب
ح تغرق كمان
وازمه مساكن
وازمه امان
وعالم بياكل
فى عالم جعان
وريحه مؤامره
فى جو المكان
مخطط خيانه
مع الامريكان
لدبح العشيره
وحرق الجيران
وفيه ناس بترغي
ولازم بيان
كما ابلغونا
جميع الودان
لهذا وذاكا ... وتكلم كمان
نقدم اليكم
عروسه وحصان
شحاته المعسل
وهذا البيان

هنا شقلبان
محطه اذاعه حلاوه زمان
بسم الله
سلامٌ عليكم
وسلمون وموز
واما المسائل
فهنجف ولوز
فيا اخوتى
ويا اخوات
اليكم بيانى
كما هو ات :

جميع المسائل
تمام التمام
وكل الكلام دا
مجرد كلام
فصبرا جميلا
ولا تقلقوش
وشغل الضغاين
انا ما اقبلوش

ما فيش أي حاجه !
على الطلاق والعتاق بالتلاته
ما فيه أي حاجه !
وقّـّدر كمان ان فيه أي حاجه
ما فيش أي حاجه
ما لوش أي لازمه الكلام
واللجاجه
وعيب ان عيل يسوق السماجه
ويعمل ديباجه

انا بطبعي ضد السماسره الكبار
بحكم المنافسه
وحكم الجوار
لكن مش ف الطبيعي
انى اعمل فضيحه
لو احد زميلي
هبش كام صفيحه

ما كل الزمايل
بتهبش صفايح
وكل اللي جاي
مش زي اللي رايح
فيا ايها الشعب
صهين تفعلص
مساء التنفس
مساء الرويح

اخويا الامير بزرميط الايرانى
بعت لي السنه دي
عزمنى ودعانى
انا قبلت طبعا
ورحنا العزومه
وكانت وليمه
ما تحصلش تانى
دا ايه المحمر
وايه المكمر
وايه المشمر
وايه الصوانى
انا دماغى تعبت
ولفت صراحه
من الفخفخه
والهنا الاصفهانى
هناك يعنى مثلا
اذا شربت طافيه ( نوع مهبب من الخمور يدعى منقوع البراطيش ايضا )
تمز بكوارع
وبسطرمه ضانى

ما شفتش هناك
ناس بتحقد عليهم
ولا ناس بتشتم
فلان الفلانى
لانه اشتري عزبيتن
من شطارته
وحكمة ادارته
وطلّع مبانى

وبعد الواليمه استلمنا الهدايا
مفضض
ومدهب
وقز وقيشانى
وطبعا اخويا الامير
قال لى حاجه
ح اقوالها لكو طبعا
اذا الوقت ناسب
ح يطلع لى عيل
بدون أي حاجه
ويعمل لى فلحص
ويقعد يحاسب
دا حقد اشتراكى انا ما اقبلوش
ولو هو ابنى انا ما اعتقوش
كلام عن سماسره
كلام عن دعاره
حاجات مش صحيحه
جمل مستعاره
وعايزين يخلوا البلد
اردغانه ( اردغانة بمعنى ماخور شعبي )
وعايزين اسيب البلد
من زمان

وانا مش ح اسلم
واسيب الامان
ولابالبوليس والنيابه كمان
فيا ايها الشعب
كمل جميلك
وصبرا
واذلم حتيجى المصاري ( اذلم = اذا لم )
وتاكل وتشرب
تبع ما ياتيك
وتغرق فى بحر العبيد والجواري
وترسم حياتك
حسب ما يرائيتك
وتملا الحواري
فساقى وقصاري
تسبح بحمدك
وتشكر جميلك
وفضل الزباله
وطفح المجاريه
ختاما سلاما
واخر كلاما
ضرورا
يسود الهدوء والوئاما
فماذا والا
ح طربقها واللا
اهرب فلوسي
واسافر قواما
سلام عليكم
وسلمون وموز
بصفتى رئيسا
وابا
وجوز

[كتكوووتة]

اليويو

يا واد يا يويو

يا مبرراتي يا جبنة حادقة على فول حراتي

آستك لسانك

فارد ولامم

حسب الأبيح يا مهلباتي



يا واد يا يويو يا مهلبية

فوق الصواني

سايحة و طرية

في كل جلسة تلبس قضية

و تخيل عليها أوي يا مشخصاتي



يا واد يا يويو يا مبرراتي

حسب الوظيفة وانت و شطارتك

تظهر حلاوتك

تظهر مرارتك

لو خفضوك ترتفع حرارتك

لو صعدوك حالا

تنقلب جيلاتي

يا واد يا يويو يا مبرراتي



و بالمناسبة

و انت اللي أدرى

كان لك تحفظ على المبادرة

ليه النهاردة

بترش بدرة

يا ابن الأبالسة

يا ملطفاتي

يا واد يا يويو يا مبرراتي



و النهاية

لك عندي كلمة

آخر طريقك زحل و ضلمة

حيث ان آخر القرع ضلمة

يا اما كفتة طرية

من عند العجاتي

يا واد يا يويو

يا مبرراتي

[كتكوووتة]

رجعوا التلامذه

رجعوا التلامذة

يا عم حمزة للجد تاني

يا مصر إنتي اللي باقية

و انتــــــــــي

قطف الأماني

لا كورة نفعت

و لا أونطة

و لا المناقشة و جدل بيزنطة

و لا الصحافة و الصحفجية

شاغلين شبابنا

عن القضيـــة

قيمولنا صهبة يا صهبجية

و دوقونا طعم الأغاني

رجعوا التلامذة

للجد تـــــــاني



طلعوا التلامذة ورد الجناين

اسمع يا ميلص و شوف و عاين

ملعون أبوك ابن كلب خاين

يا صوت أميركا

يا أمريكانـــــــي

رجعوا التلامذة يا عم حمزة

للجد تانــــــــــي

يا مصر إنتي اللي باقية و انتــــــــــي

قطف الأمانــــي

القاهرة 20 يناير 1972

http://www.al-wed.com/pic-vb/10.gif (http://www.shabab3net.com/)

الأولة بلدي

الأولة بلدي

و الثانية بلدي

و الثالثة بلدي

الأولة بلدي باسلطن جو موالي و دا الموصوف

و الثانية بلدي باقول الكلمة بالعالي و ع المكشوف

و الثالثة بلدي ياكنزي و عزوتي و مالي و ملو الشوف



الأولة بلدي باسلطن جو موالي و دا الموصوف

دوا العيــــــــــــــــــــان

و الثانية بلدي باقول الكلمة بالعالي و ع المكشوف

و ف المليـــــــــــــــان

و الثالثة بلدي ياكنزي و عزوتي و مالي و ملو الشوف

آوانـــــــــــــــــــــك آن



تحدي الحد يا بلدي

ما بين الحق و البهتان

و رايتك تعلا يا بلدي

دليل عن صحة البنيان

و دا الموصوف

و الاولة بلدي

و الثانية بلدي
و الثالثة بلدي

القاهرة غشت 1968

[كتكوووتة]

غنوة للسلام

قد ايه القلب يعشق

لو سمع غنوة سلام

يا سلام

قد ايه الغنوة تحلا

لو بدينا بالسلام

يا سلام

قد ايه الروح تميل

و النغم يطلع جميل

و الوتر يوصل كلامه

للقلوب صافي و أصيل

قد ايه

و قد ايه

بس اقول ايه

و لا ايه



السلام دا كلمة خضرة

زي أوراق الريحان

ترتوي منها الشفايف

لما ينطقها اللسان



زوقوك الناس يا دنيا

بالكلام

عن السلام

و الكلام

غير الحقيقة

و العمل

غير الكلام

يا سلام



من هنا نبدى الكلام

يا صبابة يا مغرمين

كلنا نحب السلام
و السلام يحب مين ؟


السلام

بيحب نوره

و شوفوا نوره تبقى مين

[كتكوووتة]

موال الفول واللحمة


عن موضوع الفول واللحمة صرح مصدر قال مسئول

ان الطب اتقدم جدا والدكتور محسن بيقول

ان الشعب المصري خصوصا من مصلحته يقرش فول

حيث الفول المصري عموما يجعل من بني ادم غول

تأكل فخده في ربع زكيبه والدكتور محسن مسئول

يديك طاقة وقوة عجيبة تسمن جدا تبقى مهول

ثم اضاف الدكتور محسن ان اللحمه دي سم أكيد

بتزود أوجاع المعدة وتعود على طولة الايد

وتنيم بني ادم وتفرقع منه المواعيد

واللي بياكلوا اللحمة عموما حيخشوا جهنم تأبيد

يادكتور محسن يامزقلط يامصدر ياغير مسئول

حيث ان انتو عقول العالم والعالم محتاج لعقول

مارأى جنابك وجنابهم فيه واحد مجنون بيقول

احنا سيبونا نموت باللحمة وانتو تعيشوا وتاكلوا الفول

مارأيك ياكابتن محسن مش بالذمة كلام معقول


http://www.al-wed.com/pic-vb/10.gif (http://www.shabab3net.com/)


ع المحطة

ع المحطه ع المحطه واللي شفته ع المحطه

طلعت الخفه ام شنطه سلم الاتوبيس بنطه

حته ملعب والاكاده في القوام والحسن بطه

هي خشت درجه اولى والكراسي بقت منطه

سابو تانيه وغلب تانيه والقطيع على اولى خطى

اللي يهبش في الجونله واللي يعلى واللي يوطى

بص واحد م اللي همه دمهم فلفل وشطه

شاف صنايعي في البريمو قال له خش هناك ياسطى

ثانيه انسب للي زيك دي الحقيقه بلاش مغالطه

الاسطى قال له ياعم روق دي الحياه تحب المباسطه

وانت شايف مش مغمض حاجه ملبن حاجه قشطه

ولا يعني الكون ح يخرب لو فقير يلهط له لهطه

[كتكوووتة]

الخط ده خطّي

كلمات: أحمد فؤاد نجم


ألحان: الشيخ إمام عيسى


غناء: الشيخ إمام عيسى


غناء: إيمان البحر درويش


الخط ده خطّي .. و الكلمة دي ليَّ


غطّي الورق غطّي .. بالدمع يا عينيّ


شط الزتون شطّي .. و الأرض عربية


نسايمها أنفاسي .. و ترابها من ناسي


و إن كنت أنا ناسي .. ما حتنسانيش هيّ


الخط ده خطّي .. و الكلمة دي ليَّ


لاكتب على عيني .. يحرم عليكي النوم


و احبس ضيا عيني .. بدموعي طول اليوم


قبل الوفا بديني .. زَي الصلا و الصوم


ده الدين في عُرف الحر .. هم و مذلة و مر


و هموم تجيب و تجُر .. أحزان مخبِيَّة


لاكتب على كفي .. و الحبر من دمي


يا عِزوتي كفي .. يا همتي ضمي


أول ما حنوَفي .. بالوعد حنسمّي


باسم اللي ماتوا صغار .. في المدرسة و الدار


و المصنع اللي انهار .. فوق الصنايعية


الخط ده خطي .. و الكلمة دي ليَّ

[كتكوووتة]

يا فلسطينية ..
........
يا فلسطينية و البندقاني رماكو ..
بالصهيونية تقتل حمامكو فِ حماكو
يا فلسطينية و أنا بدي أسافر حداكو
ناري بإيديا و إيديا تنزل معاكو
على راس الحية و تموت شريعة هولاكو
............
يا فلسطينية و الغربة طالت كفايا
و الصحرا أنّت من اللاجئين و الضحايا
و الارض حنّت للفلاحين و السِقايا
و الثورة غاية و النصر أول خطاكو
........
يا فلسطينية و الثورة هيَّ الاكيدة
بالبندقية نفرض حياتنا الجديدة
و السكة مهما طالت و بانت بعيدة
مد الخطاوي هو اللي يسعف معاكو
.........
يا فلسطينية فيتنام عليكو البشارة
بالنصر طالعة من تحت مية ألف غارة
و الشمعة والعة و الامر كان بالخسارة
راجعين حيارى عقبال ما يحصل حداكو


http://www.al-wed.com/pic-vb/10.gif (http://www.shabab3net.com/)يا عرب

غناء الشيخ إمام


يا عرب .. يا عرب .. يا عرب في أي مصر
يا عرب .. يا عرب .. اسمعوا صوت شعب مصر
أحفظوا لمصر المكان .. و احنا عالعهد اللي كان
مصر أوفى من الزمان ..
و انتو عارفين شعب مصر
يا عرب يا عرب يا أهل مصر

----------------------------
اللي خانوا العهد بينا .. و استباحوا كل حاجة
و استهانوا بالعروبة .. و استكانوا للخواجة
مستحيل حيكونوا منا .. نحنا حاجة و هما حاجة
هما باعوا الجلابية .. و الوطن و البندقية
و ا حنا أصحاب القضية ..
احنا ما بنبيعش مصر
يا عرب يا عرب يا أهل مصر
----------------------------
يطلع الدجال بزيفو .. يملا وادي النيل ضباب
ينزل الجلاد بسيفو ... يزرع الموت و الخراب
يطول الليل زي كيفو .... الصباح له ألف باب
و احنا بوصلتنا بإيدينا .. ما تخافوش من الليل علينا
مهما غبتو عن عينينا ..
انتو جوا بقلب مصر
يا عرب يا عرب يا أهل مصر
-------------------------
سينا و لا .. يافا و لا .. حيفا ولا ... دير ياسين
اسألوا الشمس اللي هالة .. عللي صحيوا مبدرين
يزرعوها نور و غلة .. دول جدودنا و لا مين ؟
حقنا و حتما ً يُعاد .. بس لو بانت سعاد
و البيان ده لوه معاد ...
و المعاد حيكون في مصر
يا عرب يا عرب يا أهل مصر

[كتكوووتة]

(( على الضريح)) ((زيارة لضريح عبد الناصر))

نجم الذي صدر أمر بأعتقاله
ما مدى الحياة في عهد عبد الناصر

وسافرت خارج مصر وشفت حال الدويلات العربيه وبدات اترحم على أيام الزعيم جمال عبد الناصر وفي لحظه شجن في الغربه كتبت قصيده
((زيارة لضريح عبد الناصر))

على الضريح
السكه مفروشه
تيجان الفل والنرجس
والقبه صهوة فرس
عليها الخضر بيبرجس
والمشربيه عرايس
بتبكي
والبكا مشروع
من ذا إللي نايم وساكت
والسكات مسموع
سيدنا الحسين ؟
ولا صلاح الدين ؟
ولا النبي ؟
ولا الإمام ؟
دستور ياحراس المقام
ولا الكلام بالشكل ذا ممنوع ؟ !
على العموم
أنا مش ضليع
في علوم الانضباط
أبويا كان مسلم صحيح
وكان غبي
وكان يصلي ع النبي
عند الغضب
والإنبساط !
أبويا كان
فلاح تعيس
فى ليله ظلمه
خلفوه
وف خرقه سودا
لفلفوه
وف عيشة غبرا
طلعوه
وف عشه ما يله
سكنوه
ولصموه
وطلسموه
ودجنوه
وجهزوه
وجوزوه على عماه
فكان محير في هواه
ما بين أمي وما بين الجاموسة
وكان يخاف
يقتل ناموسه
وكان خجول
خجول
خجول
لكنه كان دايما يقول
أستغفر الله العظيم
من باب الاحتياط !

أبويا طلعتوه حمار
فكان طبيعي
يجيبني جحش
لا أعرف نبي
من أجنبي
ولا مين ما جاش
ولا مين ما راحش
موسى نبي
أبوه نبي
عيس نبي
أبوه نبي
كمان محمد كان نبي
ويا قلبي صلي ع النبي
وكلنا نحب النبي
وكل وقت وله أذان
وكل عصر وله نبي

وإحنا نبينا كده
من ضلعنا نابت
لا من سماهم وقع
ولا من مرا شابت
ولا انخسف له القمر
ولا النجوم غابت
أبوه
صعيدي وفهم
قام طلعه ضابط
ضبط
على قدنا
وع المزاج ظابط
فاجومي من جنسنا
مالوش مرا عابت
فلاح
قليل الحيا
إذا الكلاب سابت
ولا يطاطيش للعدا
مهما السهام صابت
عمل حاجات معجزه
وحاجات كتير خابت
وعاش ومات وسطنا
على طبعنا ثابت
وإن كان جرح قلبنا
كل الجراح طابت
ولا يطولوه العدا
مهما الأمور جابت

[كتكوووتة]

همة مين واحنا مين

هما مين واحنا مين
هما الامر والسلاطين
هما المال والحكم معاهم
واحنا الفقرا المحكومين
حزر فزر شغل مخك
شوف مين فينا بيحكم مين
احنا مين وهما مين
احنا الفعلا البنايين
احنا السنه واحنا الفرض
احنا الناس
بالطول والعرض
من عافيتنا تقوم الارض
وعرقنا يخضر بساتين
خزر فزر شغل مخك
شوف مين فينا
بيخدم مين
هما مين واحنا مين
هما الامرا والسلاطين
هما الفيللا والعربيه
والنساوين المتنقيه
حيوانات استهلاكيه
شغلتهم حشو المصارين
حزر فزر شغل مخك
شوف مين فينا بياكل مين
احنا مين وهما مين
احنا قرنفل على ياسمين
احنا الحرب حطبها ونارها
احنا الجيش اللى يحررها
واحنا الشهدا ف كل مدارها
منتصرين او منكسرين
حزر فزر شغل مخك
شوف مين فينا بيقتل مين
هما مين واحنا مين
هما الامرا والسلاطين
هما مناظر بالمزيكه
والزفه وشغل البولوتيكا
ودماغهم طبعا استيكه
بس البركه فى النياشين
حزر فزر شغل مخك
شوف مين فينا بيخدع مين
هما مين واحنا مين
هما الامرا والسلاطين
هما بيلبسوا اخر موضه
واحنا بنسكن سبعه ف اوضه
اللى يقول النصر نميس
ينفع تاكسي
يميشي رميس
واللى يقول الفورد يا بيه
اجعص من اجعصها جعيص
واللى يقول جونسون دا حمار
راجل
عقله عقل صغار
راجل تيس
من غير حيث
ينصب الف جنازة بطار
بس اهو راح
وحنرتاح
وحنتنحنج بقي ونقول
يحزب بيته
ويدلق زيته

[كتكوووتة]

الخواجة الامريكانى

الخواجه الامريكانى

والسماسرة اللى وراه

تخنوا بالكدب ودنه

وعرضوا له مقاس قفاه
فهموه

من غير ما يفهم

ان سوق الشرق مغنم

والخوجه بطبعه مغشم

والمصاري معفرتاه

حب يعمل فيها تاجر

وانطلق

يسلب وينهب

ف الزباين بالنهار

يحدف الدولار يلمه

تلتميت مليون دولار

بالقزايز والبنات

باللبان

والبمبونات

بالمدافع والدانات

او بأفلام الرعاة

قول بقي تاجر وفاجر

وانفلت لص المواشي

رعب ماشي فى البلاد

يشفط البترول ويطرش

كل الوان الفساد

عزرائيل من غير فرامل

يقلب العرسان ارامل

حتى فى بطون الحوامل

كان بيدبح الحياة

بالسناكي والخناجر

والنهايه يا خواجه

مش ف يوم كانت بدايه ؟

البدايه برضه لازم

ييجي يوم

توصل نهايه

مهما زاد الراسمال

الهلاك هو المآل

والتاريخ

هو اللى قال

لعبه الموت فى الحياة

تسحب الروح م الحناجر

http://www.al-wed.com/pic-vb/10.gif (http://www.shabab3net.com/)

قصيدة كلب الست

قصيده كلب الست

في الزمالك من سنين،وف حمى النيل العظيم،قصرمن عصر اليمين،

ملك وحده م الحريم،صيتها اعلى م الآذان،يسمعوه المسلمين

والتتر والتركمان ،والهنود والمنبوذين .

ست فاقت ع الرجال في المقام والاحترام

صيت وشهره وتل مال،يعني في غايه التمام،

قصره يعني هيه كلمه، ليها كلمه ف الحكومه

بس ربك لجل حكمه قام حرمها م الامومه

والامومه طبع ثابت جوا حواء من زمان

تعمل ايه الست جابت فوكس رومي وله ودان

فوكس ده عبقال املتك عنده دسته خدامين

يعني مش موجود في عيلتك شخص زيه ياسماعي

واسماعين دا يبقى واحد م الجماعه التعبانين

اللي داخو في المعاهد والمدارس من سنين

حب يعمل واد فكاكه ويمشي حبه في الزمالك

والقيامه والفتاكه يرموا طبعا ع المهالك

عم سمعه من قيامته حب يعمل فيها فله

بعد ما الوظ بيجامته اشترى حته مجله

قول مشي يقرا ف حكايه من حكايات الغرام

واندماجه في القرايه خلا مشيه مش تمام

ع اليمين يحدف بعيد خطوتين ويروح شمال

لمحه فوكس من الحديد قال دا صيد سهل وحلال

هوب نط ف كرشه دوغري جاب بجامته لحد ديلها

اسماعيل بدال مايجري قال يارجلي رجلي مالها

بص شاف الدم سايح من عاليها ومن واطيها

وياللي جاي وياللي رايح المجله مش لاقيها

حبه واتلموا الظنايا اللي هما البوابين

والهكايه والروايه قال لهم دا كلب مين (البوابين... من بلاد النوبه وينطقون حرف الحا هاء )

كلب مين ماكلب ماكلب مينشي سمعه لبخ حبتين

قال له واحد منهم امشي الي جابك عنده مين

قال دا شارع يامواشي والجميع بيمر منه

اللي راكب واللي ماشي مستحيل نستغنى عنه

كلمه من دا وكلمه من دا ظاطو واترسمت فضيحه

قول نهايته والقصد من ده اسماعين اكل الطريحه

راحوا قسم الشرطه طبعا والنيابه كفيله بيهم

واترموا في الحجز جمعا لما ييجي الدور عليهم

حبه والشاويش امين قال سعيد النقشبندي

قام غريم عم اسماعين قاله محسوبك يافندي

قام سي سمعه يروح معاه الشاويش قال غور بدمك

وفوق قفاه كف طرقع ... داهيه ف امك

تفتكر يفضل سي سمعه قد ايه في القسم نايم

استضافه الحجز جمعه يابلاش آدي العزايم

شاف بلاوي ماتتحكيش م الديابه المسجونين

قال ياعالم ياشاويش يانيابه يامسؤوليين

خلصوه بعد المناهده جثه من جحر الديابه

هيه يمكن ساعه واحده كان في مكتب النيابه

قال له مالك ياسماعين.. قال له زي البمب مالي

قال له عضك فوكس فين قال له سيبني اروح لحالي

انت شوف سي فوكس يمكن خد تسمم غصب عني

الوكيل قال برضه ممكن والشاويش قعد يغني

انت فين والكلب فين انت قده يااسمماعين

طب دا كلب الست يابني وانت تطلع ابن مين

بشرى لصحاب الديول واللي له اربع رجول

بشرى لا سيادنا البهايم من جمايس او عجول

اللي صاحبه ياجماعه له غناوي في الاذاعه

راح يدوس فوق الغلابه والنيابه بالتباعه

انت تسوى في النيابه تسعميه م الغلابه

طب ياريت يافوكس كنا ولا تربطنا القرابه

[كتكوووتة]

التحالف

يعيش أهل بلدي
وبينهم ما فيش
تعارف
يخلي التحالف يعيش
تعيش كل طايفه
من التانيه خايفه
وتنزل ستاير بداير وشيش
لكن فى الموالد
يا شعبي يا خالد
بنتلم صحبه
ونهتف .. يعيش
يعيش أهل بلدي
يعيش المثقف على مقهى ريش
يعيش يعيش يعيش
محفلط مزفلط كتير كلام
عديم الممارسه
عدو الزحام
بكام كلمة فاضيه
وكام اصطلاح
يفبرك حلول المشاكل قوام
يعيش المثقف
يعيش يعيش يعيش
يعيش أهل بلدي
يعيش التنابله
فى حي الزمالك
وحى الزمالك
مسالك مسالك
تحاول تفكر تهوب هنالك
تودر حياتك
بلاش المهالك
لذلك إذا عزت توصف حياتهم
تقول الحياة عندنا
مش كذلك
وممكن تشوفهم فى وسط المدينه
اذا مر جنبك
أتومبيل سفينه
قفاهم عجينه
كروشهم سمينه
جلودهم بتضوي
دماغهم تخينه
سنانهم مبادر تفوت فى الجليد
ما فيش سخن بارد
بياكلوا الحديد
ما دام نهر وارد
وجاي م الصعيد
تزيد الموارد
كروشهم تزيد
وتسمع وتسلم
بأن التنابله
أو الأكالين
حيسمح كبيرهم
ويعمل مقابله
مع الفلاحين
ويحصل تحالف
ما بين الجميع
ونملا المصارف
بدم القطيع
أطيع الخليفه
أطيع والديك
أطيع التنابله
دا مفروض عليك
وتزرع وتبعت لحي الزمالك
وحي الزمالك
مسالك مسالك
تحاول تفكر تهوب هنالك
تودر حياتك بلاش المهالك
لذلك
إذا حد جاب لك سيرتهم
تبسمل تكبر
وتهتف كذلك
يعيش التنابله
يعيش يعيش يعيش
يعيش أهل بلدي
يعيش الغلابه
فى طي النجوع
نهارهم سحابه
وليلهم دموع
سواعد هزيله
لكن فيها حيله
تبدر تخضر جفاف الربوع
مكن شغل كايرو
ما يتعبش دايره
لا ياكل
ولا حتى يقدر يجوع
يا غلبان بلدنا
يا فلاح يا صانع
يا شحم السواقي
يا فحم المصانع
يا منتج
يا مبهج
يا آخر حلاوه
يا هادي
يا راضي
يا عاقل
يا قانع
ما تتعبش عقلك
فى شغل السياسه
وشوف انت شغلك
بهمه وحماسه
وعود عيالك فضيله الرضا
لأن إحنا طبعا
عبيد القضا
ورزقك ورزقي ورزق الكلاب
دا موضوع مؤجل ليوم الحساب
كمان الصحافه
حتكتب فى حالتك
وتنشر مناظر لخالك وخالتك
وتتطلع يا مسعد عليك الغناوي
وتسمع باسمك
فى قلب القهاوي
تحبك مشيره وبنات الجزيره
وقصه غرامك
تشيع فى الرداوي
يعيش عم مسعد
يعيش يعيش يعيش
يعيش أهل بلدي

[كتكوووتة]

نويت اصلى

نويت اصلي صرصور دخل لي
هر شلي مخي قعدت افلي
وشوشني قلي شوف القزازه
فيها اللزازه دوقلك شويه ياانت يلي
مصمص شفايفك ماحد شايفك
ومزمز بكاسك روق تمللي
فضلت أفكر اسكر ما اسكر
الله اكبر الفجر بان لي
حليت رباطي من تحت باطي
لا قدرت اطاطي ولا طلت اعلي
صرصور شيطاني قفل وداني
مااقدرش ياني رويتلي غلي
حيران ياحالي سهران ليالي
وسنين بقالي مربوط ف ضلي
وسألت قال لي شيخنا المصلي
اركع ترتا اسجد ترللي
يارب ياللي يارب ياللي
زرعت عودي سارح تمللي
وعدلت ضهري على سرج مهري
وطبعت زهري على خد خللى
وحياه ماعشقي متعب ومشقي
مهمن جرالي مهمن حصل لي
لاوهب حياتي واوصل صلاتي
والآتي آتي ف يوم تجللي

[abood84cc]

بعد العرض الرائع من كتكوتة حول شاعر مصر الفاجومي تم تثبيت الموضوع وبالفعل نشكرك يا كتكوتة علي هذا العرض الجيد.

[makhlouf]

شكرا يا كتكوتة على المجهود الرائع ده
بس ياريت بقى تكملي جميلك وطبعا بالتعاون مع الباشا بتاع المندى الأدبي
(قصدي عبود باشا يعني) تتكرمي وتجمعيلنا كل قصائد أحمد فؤاد نجم وتحطيها كلها هنا يبقى البحث سهل بدل ماهم متنطورين في 100 موضوع وفي منتديات مختلفة
وياريت نبدأ العملية دي في كل المواضيع المتشابهة يعني مثلا الشاعر الفلاني نجمع كل قصايده في موضوع واحد، والأديب الفلاني نفس الشيئ، وهكذا
وبالطريقة دي نسهل البحث في الموقع من ناحية ونخف الضغط على أخونا المراقب من ناحية تانية
مجرّد فكرة ومعرفش هل هي سهلة التنفيذ أم لأ؟
على الله تكون سهلة
وعموما كمان مرّة شكرا على مجهودك

[DR. HANY IMAM]

مجهود يستحق التقدير والشكر وهديتي صورة لعم أحمد.

135

[كتكوووتة]

بارك الله فيكم علي تشجيعكم وردودكم الجميلة :36_3_9:
اقتراح رائع يا استاذ مخلوف أن نحاول تجميع القصائد في موضوع واحد وربنا يرجعك لينا بالسلامة ان شاء الله
وان شاء الله سأحاول تجميع قصائد الشاعر احمد فؤاد نجم

اتجمعوا العشاق<BIG><BIG> </BIG></BIG>

اتجمعوا العشاق في سجن القلعة ... اتجمعوا العشاق في باب الخلق
و الشمس غنوة من الزنازن طالعة .. و مصر غنوة مفرعة في الحلق
تجمعوا العشاق بالزنزانة .... مهما يطول السجن مهما القهر
مهما يزيد الفجر بالسجانة .. مين اللي يقدر ساعة يحبس مصر

...............

تجمعوا و العشق نار في الدم ..... نار تحرق الجوع و الدموع و الهم
نار تشتعل لما القدم ينضم .... لما الايادي تفور في لم اللحم
و اللحم متنتور في رملة سينا .... و الكدب بيحجز على أيادينا
قدم العدو غارسة في لحم ترابي ... و الكدب عشش مخبرين على بابي
و المخبرين خارجين كلاب سعرانة ... بيجمعوا العشاق في الزنزانة

...............

مصر النهار يطلقنا في الميادين .. مصر البكا .. مصر الغنا و الطين
مصر الشموس الهالة من الزنزانين .. هالة و طارحة بدمنا بسا تين
مصر الجناين طرحة مين يقطفها .. مصر الجناين للي يرفع سيفها
مهما يطول السجن مهما القهر .. مهما يزيد الفجر بالسجانة
مين اللي يقدر ساعة يحبس مصر

[كتكوووتة]

<BIG><BIG>حلاويلا</BIG></BIG>
<BIG><BIG>
</BIG></BIG>
<BIG>حلاويلا يا حلاويلا .. يا خسارة يا حول الله</BIG>
<BIG>

</BIG><BIG>ده الثوري النوري الكلمنجي .. هلاب الدين الشفطنجي</BIG>
<BIG>
قاعد في الصف الاكلنجي ... شكلاطة و كاراميلا ..


</BIG><BIG>يتمركس بعض الايام ... يتمسلم بعض الايام</BIG>
<BIG>
و يصاحب كل الحكام .. و بسطعشر ملة ..


</BIG><BIG>حلاويلا يا حلاويلا .. يا خسارة يا حول الله</BIG>
<BIG>

</BIG><BIG>يا حلاولو لو شفتو زمان .. مهموم بقضايا </BIG>
<BIG>الانسان</BIG>
<BIG>
بيتكتك لتقول بركان .. و لا بوتجاز و لا حلة ..


</BIG><BIG>حلاويلا يا حلاويلا .. يا خسارة يا حول الله</BIG>
<BIG>

</BIG><BIG>اش حالك يا قريب اليوم .. اش جاب التفاح</BIG>
<BIG> للدوم</BIG>
<BIG>
و اش جاب الغرفة ببدروم ... للعربية و فيلا


</BIG><BIG>حلاويلا يا حلاويلا .. يا خسارة يا حول الله</BIG>
<BIG>

</BIG><BIG>جرانين و منابر و ادارة .. و معلق طلبة و زمارة</BIG>
<BIG>
يعطل أهو بيسلك يابا .. و يجيبوا المنافيلا


</BIG><BIG>حلاويلا يا حلاويلا .. يا خسارة يا حول الله</BIG>
<BIG>

</BIG><BIG>دا ترستق هلاب الدين .. بقى عاقل جداً و </BIG>
<BIG>رزين</BIG>
<BIG>
و يعن عند المجانين .. إن عشنا و متنا بعلة


</BIG><BIG>حلاويلا يا حلاويلا .. يا خسارة يا حول الله </BIG>

[كتكوووتة]

<BIG>سقطت سايغون</BIG>
<BIG></BIG>
<BIG>أبجد هوز .. حطي كلمن </BIG>
<BIG></BIG>
<BIG>إقلب صفحة .. امسك قلم ٌ </BIG>
<BIG></BIG>
<BIG>اكتب زي الناس ما بتنطق </BIG>
<BIG></BIG>
<BIG>سقطت سايغون رفعوا العلم ٌ </BIG>
<BIG></BIG>
<BIG>.......... </BIG>
<BIG></BIG>
<BIG>طلعت شمس اليوم ده أغاني </BIG>
<BIG></BIG>
<BIG>كل ما نسمع نعشق تاني </BIG>
<BIG></BIG>
<BIG>طلعت شمس اليوم ده حريقة </BIG>
<BIG></BIG>
<BIG>تكوي الجرح و تبري الالم ٌ </BIG>
<BIG></BIG>
<BIG>..... </BIG>
<BIG></BIG>
<BIG>سايغون عادت للثوار </BIG>
<BIG></BIG>
<BIG>فوق الدم و تحت النار </BIG>
<BIG></BIG>
<BIG>جدّوا فوجدوا .. زرعوا فحصدوا </BIG>
<BIG></BIG>
<BIG>و إحنا إيدينا للسمسار </BIG>
<BIG></BIG>
<BIG>و إللي قالوه السمسارجية </BIG>
<BIG></BIG>
<BIG>و اللي حكاه السمساردار </BIG>
<BIG></BIG>
<BIG>لما قروه القرونجية </BIG>
<BIG></BIG>
<BIG>بالمستعجل و المندار </BIG>
<BIG></BIG>
<BIG></BIG>
<BIG>هشت و نشت يعزم الصوت </BIG>
<BIG></BIG>
<BIG>عن أمريكا و هول أمريكا </BIG>
<BIG></BIG>
<BIG>زعموا الفانتوم حامل موت </BIG>
<BIG></BIG>
<BIG>سقط الكوت بعلم أمريكا </BIG>
<BIG></BIG>
<BIG>جاتكو فضيحة يا طبقة سطيحة </BIG>
<BIG></BIG>
<BIG>و عاملة فصيحة و جايبة العار </BIG>
<BIG></BIG>
<BIG>فصحانجية و كلمانجية و سمسارجية </BIG>
<BIG></BIG>
<BIG>و سمسار دار </BIG>

[كتكوووتة]

برولوج

يا ليل يا عين ما اعرفش اكدب

طب و اكدب ليه

عدم المؤاخذة

لنا باكتب

و لا أبصر إيه

لا انا احترافي اشتراكية

و لا عندي نزعة رجعيّة

لكني شايف بعنيّه

يا فلاحين يا صنايعية

بر الأمان بان

و المركب

راح ترسي عليه

و انا حاكدب ليه

<BIG><BIG>نكسون </BIG></BIG>
<BIG><BIG></BIG></BIG>
شرفت يانكسون بابا يا بتاع الوترغيت

عملولك ايمة وسيمة سلاطين الفول و الزيت

فرشولك اوسع سكة من راس التين على مكة

وهناك تنفد على عكا ويقولوا عليك حجيت

عزموك فقالوا تعالا تاكل بابمبون وهريسة

امت لانك مهيف سدءت انحنا فريسة

هات وشك خودلك تفة طبعا شلا يا صحاب

البيت

خد منى كلام يبئالك ولونك موش حتعيش

لاحؤول أهلا ولا جهلا ولاتجى ولا ماتجيش

بيقولوا اللحم المصرى مطرح مابيسرى بيهرى

ودا كولوا من تاثير الكوشرى والفول أبو

سوس بزيت

[كتكوووتة]

<BIG><BIG>دلي الشكارة</BIG></BIG>
<BIG><BIG></BIG></BIG>
دلي الشكارة جنب الشكارة

و اقعد يا حفني ولعلك سيجارة

فكّـر شوية .. بالعيشة دية

إيه القضية إيه العبارة

من صغر سني

شقيان لكني

ما لط سني غير البصارة

....

و دخلت حارة من جوة حارة

و فكل حارة عليت عمارة

و سط المعامل بنا و مناول

بس المقاول كلني بشطارة

و لا خلى صرة و لا لقمة حرة

و العيشة مرة .. أخر مرارة

<BIG><BIG>البحر بيضحك ليه </BIG></BIG>
<BIG><BIG></BIG></BIG>

البحر بيضحك ليه

وانا نازله ادلع املا القلل

البحر غضبان ما بيضحكش

أصل الحكاية ما تضحكش

البحر جرحه ما بيدبلش

وجرحنا ولا عمره دبل

مساكين بنضحك من البلوة

زي الديوك و الروح حلوة

سارقاها من السكين حموة

و لسة جوا القلب أمل

قللنا فخارها إناوي

بتقول حكاوي و غناوي

يا قلة الذل أنا ناوي

ما شرب و لو في المية عسل

والبحر بيضحك ليه … ليه

وانا نازلة ادلع املا القلل

ياما ملينا وملينا

لغيرنا وعطشنا ساقينا

صابرين وبحر ما يروينا

شايلين بدال العلة علل

والبحر بيضحك ليه … ليه

وانا نازلة ادلع املا القلل

في بالي ياما وعلى بالي

واللي بيعشق ما يبالي

ما يهمنيش من عزالي

يا حلوة لو مرسالي وصل

والبحر بيضحك ليه ليه

وانا نازلة ادلع املا القلل

بيني وبينك سور ورا سور

وانا لا مارد ولا عصفور

في إيدي عود قوال وجسور

وصبحت انا في العشق مثل

والبحر بيضحك ليه

وانا نازله ادلع املا القلل

[كتكوووتة]

كلمتين إلي مصر

كل عين تعشق حليوة

و إنتي حلوة في كل عين

يا حبيبتي أنا قلبي عاشق

و اسمحيلي بكلمتين

كلمتين يا مصر يمكن

هما أخر كلمتين

حد ضامن يمشي آمن

أو مِـآمن يمشي فين

..........................

شابة يا أم الشعر ليلي

و الجبين شق النهار

و العيون بحرين أماني

و الخدود عسل و نار

و اللوالي ( اللؤلؤ) بابتسامتك

يحكوا أسرار المحار

يللي ساكنة القصر عالي

إيمتى يهنالي المزار

كلميني يا صبية

طال علي َّ الانتظار

كلمتين يا مصر يمكن

هما أخر كلمتين

حد ضامن يمشي آمن

أو مِـآمن يمشي فين

.....................

قصرك المسحور غيلانو

أغبى من دود الغيطان

بعد مص الغصن الاخضر

ينحتوا عضم العيدان

و اللي خلى الارض خضرا

و اللي خلى الدار آمان

عاش بجور ملو جوفه

مات بخوفه من الغيلان

طوّع الغلبان

ما قالش عن شقا العمر اللي كان

كلمتين بمصر يبقوا

هما أخر كلمتين

حد ضامن يمشي آمن

أو مِـآمن يمشي فين

....................

أدي كلمة من عذابي قلتهالك

باقي كلمة

من حنيني صنتهالك

في الضلوع من دنيا ظلمة

كنت خايف يلمحوها

يقتلوها في سكة ظلمة

سقسقت و النور بشاير بشاير

زهرة الصبار يا سلمى

يا نسيم الشوق يا طاير يا طاير

خد لمصر في الصبح كلمة

طول ما يبقى الركب ساير

بالبصاير و العينين

يبقى ضامن يمشي آمن

يبقى عارف يمشي فين

[كتكوووتة]

<BIG><BIG>.... فاليري جيسكار ديستان ... </BIG></BIG>

فاليري جيسكار ديستان

والست بتاعه كمان

حيجيب الديب من ديله

ويشبع كل جعان

ياسلاملم يا جدعان

ع الناس الجنتلمان

داحناحنتمنجه واصل

وحتبقى العيشه جنان

التلفزيون حيلون

والجمعيات تتكون

والعربيات حتمون

بدل البنزين برفان

وحتحصل نهضه عظيمه

وحتبقى علينا القيمه

فى المرسح أو فى السيما

أو فى جنينة الحيوان

وحتبقى الأشيا زلابيه

ولاحوجه لسوريا وليبيا

وحنعمل وحده أرابيا

مع لندن والفاتيكان

والفقرا حيكلوا بطاطا

وحيمشوا بكل ألاطه

وبدال ما يسوا شلاطه

حيسموا عبالهم جان

ودا بفضل صديكي ( صديقي)

ديستان الرومنتيكى

ولاحدش فيكو شريكى

فى المسكن والسكان

[كتكوووتة]

<BIG>ورقه .. من ملف القضية </BIG>
<BIG></BIG>
<BIG>انت شيوعى </BIG>
<BIG></BIG>
<BIG>انا مصراوى </BIG>
<BIG></BIG>
<BIG>انتو مصايب </BIG>
<BIG></BIG>
<BIG>انتو بلاوى</BIG>
<BIG></BIG>
<BIG>ممكن اعرف مين الأول </BIG>
<BIG></BIG>
<BIG>بيكلمنى </BIG>
<BIG></BIG>
<BIG>احنا نيابة أمن الدولة </BIG>
<BIG></BIG>
<BIG>دولة مين </BIG>
<BIG></BIG>
<BIG>دولة مصر </BIG>
<BIG></BIG>
<BIG>مصر العشه </BIG>
<BIG></BIG>
<BIG>ولآ القصر </BIG>
<BIG></BIG>
<BIG>أيوه حنبدى ندور ونلف </BIG>
<BIG></BIG>
<BIG>حاجه تنرفز خالص </BIG>
<BIG></BIG>
<BIG>اف </BIG>
<BIG>مالك.. شايل طاجن خالك </BIG>
<BIG></BIG>
<BIG>لم لسانك ما تخرفش </BIG>
<BIG></BIG>
<BIG>أنا ما اقصدش اهانتك طبعا </BIG>
<BIG></BIG>
<BIG>ايوه استعبط </BIG>
<BIG></BIG>
<BIG>لا ما اعرفش </BIG>
<BIG></BIG>
<BIG>ايه رأيك فى سفارة كوريا </BIG>
<BIG></BIG>
<BIG>ايه رأيك فى قضية مصر </BIG>
<BIG></BIG>
<BIG>مصر فى وحده </BIG>
<BIG></BIG>
<BIG>هى وسوريا وليبيا </BIG>
<BIG></BIG>
<BIG>ولازم ييجى النصر </BIG>
<BIG></BIG>
<BIG>ييجى منين و ازاى ولمين </BIG>
<BIG></BIG>
<BIG>آدى كلام الشيوعيين </BIG>
<BIG></BIG>
<BIG>أنا من حقى </BIG>
<BIG></BIG>
<BIG>حق فى عينك </BIG>
<BIG></BIG>
<BIG>أنا بتكلم بينى وبينك </BIG>
<BIG></BIG>
<BIG>يعنى كلام بره التحقيق </BIG>
<BIG></BIG>
<BIG>اذا كانش يسبب لك ضيق </BIG>
<BIG></BIG>
<BIG>طيب فول </BIG>
<BIG></BIG>
<BIG>مين مسؤل ؟ </BIG>
<BIG></BIG>
<BIG>مين مسؤل عن ايه يا أخينا </BIG>
<BIG></BIG>
<BIG>ع اللى جرى لنا ف غزه وسينا </BIG>
<BIG></BIG>
<BIG>أنت شيوعى أكيد وطاوعنى </BIG>
<BIG></BIG>
<BIG>فض دمغك من دى قضيه </BIG>
<BIG></BIG>
<BIG>شعبنا جاهل </BIG>
<BIG></BIG>
<BIG>مهما تقول له </BIG>
<BIG></BIG>
<BIG>مش حيآمن بالشيوعيه </BIG>
<BIG></BIG>
<BIG>ما الشيوعيه فى فيتنام </BIG>
<BIG></BIG>
<BIG>ايه رأيك فيهم يا همام </BIG>
<BIG></BIG>
<BIG>مش بطال مش بطال</BIG>
<BIG></BIG>
<BIG>لكن احنا .. ورانا عيال </BIG>
<BIG></BIG>
<BIG>طب ما نحارب </BIG>
<BIG></BIG>
<BIG>لجل عيالنا </BIG>
<BIG></BIG>
<BIG>يطلعوا أسعد من اجيالنا </BIG>
<BIG></BIG>
<BIG>انت الظاهر مخك فاضى </BIG>
<BIG></BIG>
<BIG>وحتتعبنى معاك ع الفاضى </BIG>
<BIG></BIG>
<BIG>وأنا بحبت معاك بكفايه </BIG>
<BIG></BIG>
<BIG>ابقى اتفلسف عند القاضى </BIG>
<BIG></BIG>
<BIG>هى قضية ؟ </BIG>
<BIG></BIG>
<BIG>لأ ملوخية </BIG>
<BIG></BIG>
<BIG>آمال فاهم ايه آمال </BIG>
<BIG></BIG>
<BIG>هى الدوله دى لعب عيال </BIG>
<BIG></BIG>
<BIG>ممكن أعرف أنا هنا ليه </BIG>
<BIG></BIG>
<BIG>أيوه حتعرف</BIG>
<BIG></BIG>
<BIG>أمال ايه </BIG>
<BIG></BIG>
<BIG>يوم خمسه وعشرين الماضى </BIG>
<BIG></BIG>
<BIG>ايه مشاك عند التحرير </BIG>
<BIG></BIG>
<BIG>تحرير ايه يا جناب القاضى </BIG>
<BIG></BIG>
<BIG>أنا مش فاضى </BIG>
<BIG></BIG>
<BIG>بكره تصير </BIG>
<BIG></BIG>
<BIG>بطل غلبه وجاوب دوغرى </BIG>
<BIG></BIG>
<BIG>أنا غلباوى كده من صغرى </BIG>
<BIG></BIG>
<BIG>كل الشيوعيين امثالك </BIG>
<BIG></BIG>
<BIG>آخر غلبه وقلة ذوق </BIG>
<BIG></BIG>
<BIG>يحصل ايه لو تمشى فى حالك </BIG>
<BIG></BIG>
<BIG>فاكر نفسك مين </BIG>
<BIG></BIG>
<BIG>ما تفوق </BIG>
<BIG></BIG>
<BIG>لو راح افوق </BIG>
<BIG></BIG>
<BIG>مش من مصلحتك </BIG>
<BIG></BIG>
<BIG>أما معجب جدا بصراحتك </BIG>
<BIG></BIG>
<BIG>أيه رأيك فى حكاية الطلبه </BIG>
<BIG></BIG>
<BIG>حاجه عظيمه بشرة خير </BIG>
<BIG></BIG>
<BIG>انت دماغك ينفع جزمه </BIG>
<BIG></BIG>
<BIG>وانت لسانك ينفع سير </BIG>
<BIG></BIG>
<BIG>أخرس قطع لسانك سافل </BIG>
<BIG></BIG>
<BIG>كتر خيرك </BIG>
<BIG></BIG>
<BIG>مخك قافل </BIG>
<BIG></BIG>
<BIG>مين وداك بقى عند الطلبه </BIG>
<BIG></BIG>
<BIG>رايح ضمن المندسين </BIG>
<BIG></BIG>
<BIG>رحت أناقشهم واسمع منهم </BIG>
<BIG></BIG>
<BIG>تسمع منهم ايه ياسى طين </BIG>
<BIG></BIG>
<BIG>دول عايزيين الدنيا تولع </BIG>
<BIG></BIG>
<BIG>علشان اصلا </BIG>
<BIG></BIG>
<BIG>مش فاهمين </BIG>
<BIG></BIG>
<BIG>هى الحرب يا عالم لعبه </BIG>
<BIG></BIG>
<BIG>دى بتتكلف بالملايين </BIG>
<BIG></BIG>
<BIG>وانت حتدفع ايه من جيبك </BIG>
<BIG></BIG>
<BIG>امال حدفع من جيب مين </BIG>
<BIG></BIG>
<BIG>انت حمار وخدوك فى مشمك </BIG>
<BIG></BIG>
<BIG>رحت هناك زى الباقيين </BIG>
<BIG></BIG>
<BIG>عاملين لجنه </BIG>
<BIG></BIG>
<BIG>وقال وطنيه </BIG>
<BIG></BIG>
<BIG>مش ممكن دول وطنيين </BIG>
<BIG></BIG>
<BIG>وجماعة انصار الثورة </BIG>
<BIG></BIG>
<BIG>وفلسطين وهباب الطين </BIG>
<BIG></BIG>
<BIG>ما نخلينا يا سيدى فى حالنا </BIG>
<BIG></BIG>
<BIG>مالناومال الفدائين </BIG>
<BIG></BIG>
<BIG>هو احنا اللى نهبنا بلدهم </BIG>
<BIG></BIG>
<BIG>دول عالم صيع فاقدين </BIG>
<BIG></BIG>
<BIG>قتلوا الراجل عند الشيرتون </BIG>
<BIG></BIG>
<BIG>واحنا اللى طلعنا القاتلين </BIG>
<BIG></BIG>
<BIG>وصفى التل ده كلب وخاين </BIG>
<BIG></BIG>
<BIG>اهو كل العالم خاينين </BIG>
<BIG></BIG>
<BIG>واحد صاحبى مراته مرافقه </BIG>
<BIG></BIG>
<BIG>وهو مرافق </BIG>
<BIG></BIG>
<BIG>ييجى عشرين </BIG>
<BIG></BIG>
<BIG>أمريكا بتزعل وبتحزن </BIG>
<BIG></BIG>
<BIG>هو احنا يا عالم ناقصين </BIG>
<BIG></BIG>
<BIG>مش نستعبر </BIG>
<BIG></BIG>
<BIG>م اللى جرالنا </BIG>
<BIG></BIG>
<BIG>ونعيش بقى زى العايشين </BIG>
<BIG></BIG>
<BIG>دى عيال عملا للشيوعيه </BIG>
<BIG></BIG>
<BIG>واحنا عدو الشيوعيين </BIG>
<BIG></BIG>
<BIG>روق دمك بس يا بيه </BIG>
<BIG></BIG>
<BIG>مين مساعدكو بفالو سنين </BIG>
<BIG></BIG>
<BIG>بيساعدونا صحيح يا سى بعجر </BIG>
<BIG></BIG>
<BIG>علشان أصلا مش فاهمين </BIG>
<BIG></BIG>
<BIG>احنا حليتنا منين نديهم </BIG>
<BIG></BIG>
<BIG>ونسددهم بالملايين </BIG>
<BIG></BIG>
<BIG>يمكن يعنى قضية مبدأ </BIG>
<BIG></BIG>
<BIG>مبدأ مين وزكايب مين </BIG>
<BIG></BIG>
<BIG>هى دى عالم تعرف مبدأ </BIG>
<BIG></BIG>
<BIG>دول بقول لك </BIG>
<BIG></BIG>
<BIG>ناس مجانين </BIG>
<BIG></BIG>
<BIG>اخترعولنا السد العالى </BIG>
<BIG></BIG>
<BIG>علشان نبقى اشتراكيين </BIG>
<BIG></BIG>
<BIG>اشتراكيه هناك فى بلدهم </BIG>
<BIG></BIG>
<BIG>واحنا فى دارنا </BIG>
<BIG></BIG>
<BIG>نعيش حريين </BIG>
<BIG></BIG>
<BIG>عايزيين الفلاح الجاهل </BIG>
<BIG></BIG>
<BIG>يتساوى بالمحترامين </BIG>
<BIG></BIG>
<BIG>وكمان قال </BIG>
<BIG></BIG>
<BIG>تحديد ملكيه </BIG>
<BIG></BIG>
<BIG>أبو ألفين </BIG>
<BIG></BIG>
<BIG>يدوه خمسين </BIG>
<BIG></BIG>
<BIG>شغل ملاحده وعالم كفره </BIG>
<BIG></BIG>
<BIG>ومخالفين احكام الدين </BIG>
<BIG></BIG>
<BIG>والعمال راخرين اسم الله</BIG>
<BIG></BIG>
<BIG>فاهمين روحهم </BIG>
<BIG></BIG>
<BIG>بنى آدميين </BIG>
<BIG></BIG>
<BIG>ناس عايزين الحرق بولعه </BIG>
<BIG></BIG>
<BIG>دا كله من الشيوعيين </BIG>
<BIG></BIG>
<BIG>نشروا لنا الأفكار السوده </BIG>
<BIG></BIG>
<BIG>أولاد الكلب الملاعين </BIG>
<BIG></BIG>
<BIG>مين وداك بقى عند الطلبه </BIG>
<BIG></BIG>
<BIG>انطق قول </BIG>
<BIG></BIG>
<BIG>اتكلم مين </BIG>
<BIG></BIG>
<BIG>هما ايه مطالبهم ؟ </BIG>
<BIG></BIG>
<BIG>انت حتستجوبنى يا شاطر </BIG>
<BIG></BIG>
<BIG>لأ مش قصدى </BIG>
<BIG></BIG>
<BIG>بس أنا بسأل </BIG>
<BIG></BIG>
<BIG>كانو طالبين كراريس ومساطر </BIG>
<BIG></BIG>
<BIG>ولا مطالب ميه الميه </BIG>
<BIG></BIG>
<BIG>كل الشعب مآمن بيها </BIG>
<BIG></BIG>
<BIG>دول طالبين حرب وشعبيه</BIG>
<BIG></BIG>
<BIG>مين مجنون بقى </BIG>
<BIG></BIG>
<BIG>حيمشيها </BIG>
<BIG></BIG>
<BIG>عايزين يدوا الرتش سلاح </BIG>
<BIG></BIG>
<BIG>عشان تحصل فيها مجازر </BIG>
<BIG></BIG>
<BIG>أنا لو أشوف حلوف فلاح </BIG>
<BIG></BIG>
<BIG>شايل شومه </BIG>
<BIG></BIG>
<BIG>لازم اهاجر </BIG>
<BIG></BIG>
<BIG>لازم بينه وبينك دم </BIG>
<BIG></BIG>
<BIG>دم ف عينك </BIG>
<BIG></BIG>
<BIG>هس اتلم </BIG>
<BIG></BIG>
<BIG>ثم نحارب ليه </BIG>
<BIG></BIG>
<BIG>وبأيه </BIG>
<BIG></BIG>
<BIG>بسلاح ما يموتش بعوضه </BIG>
<BIG></BIG>
<BIG>روق دمك بس يا بيه </BIG>
<BIG></BIG>
<BIG>الحرب ضروره ومفروضه </BIG>
<BIG></BIG>
<BIG>واهو نفس سلاحنا المظلوم </BIG>
<BIG></BIG>
<BIG>فى فيتنام دابح أمريكا </BIG>
<BIG></BIG>
<BIG>دى طبيعه أرض يابتى آدم </BIG>
<BIG></BIG>
<BIG>بطلوا بقى كدب وبولوتيكا </BIG>
<BIG></BIG>
<BIG>طب ما الهند بنفس سلاحنا </BIG>
<BIG></BIG>
<BIG>فى باكستان </BIG>
<BIG></BIG>
<BIG>بعزقت الغرب </BIG>
<BIG></BIG>
<BIG>رأيك يعنى ضرورى ان احنا </BIG>
<BIG></BIG>
<BIG>وحتما يعنى نخش الحرب </BIG>
<BIG>طيب </BIG>
<BIG></BIG>
<BIG>حاضر </BIG>
<BIG></BIG>
<BIG>فين المخبر </BIG>
<BIG></BIG>
<BIG>حتغير رأيك </BIG>
<BIG></BIG>
<BIG>بالضرب يناير </BIG>

[كتكوووتة]

<BIG><BIG>بوتيكات </BIG></BIG>
<BIG><BIG></BIG></BIG>
<BIG>بوتيكات النات كوا النَّات</BIG>
<BIG> </BIG>
<BIG>وشقق مفروشه وعمولات </BIG>
<BIG></BIG>
<BIG>يا حلاوه الناوه كوا الناوه </BIG>
<BIG></BIG>
<BIG>يا بلدنا يا آخر فتاكات </BIG>
<BIG></BIG>
<BIG>بوتيكات النات كوا النات </BIG>
<BIG></BIG>
<BIG>** </BIG>
<BIG>شبيك لبيك فتح مخط </BIG>
<BIG></BIG>
<BIG>لبيك شبيك غمض عينك </BIG>
<BIG></BIG>
<BIG>حتقفّل مخك ح نطخك </BIG>
<BIG></BIG>
<BIG>ونلوشك لو تفتح عينك </BIG>
<BIG></BIG>
<BIG>ركب قرنين تركب مازدا </BIG>
<BIG></BIG>
<BIG>وتعيش سلطان في البرواز دا </BIG>
<BIG></BIG>
<BIG>مش عاجبك فالجبنه الفازده </BIG>
<BIG></BIG>
<BIG>والعيش والفول والكرَّات </BIG>
<BIG></BIG>
<BIG>يا حلاوه الناوه كوا الناوه </BIG>
<BIG></BIG>
<BIG>يا بلدنا يا آخر فتاكات </BIG>
<BIG></BIG>
<BIG>بوتيكات النات كوا النَّات </BIG>
<BIG></BIG>
<BIG>مين فيكوا ما يعرفش عليوه </BIG>
<BIG></BIG>
<BIG>شيّال المنيا الكحيان </BIG>
<BIG></BIG>
<BIG>في ثواني اتمول واتحول </BIG>
<BIG></BIG>
<BIG>بقي مسيو عليوه عليَّان </BIG>
<BIG></BIG>
<BIG>إزاي؟ </BIG>
<BIG></BIG>
<BIG>ما هي بوظه ومفتوحه </BIG>
<BIG></BIG>
<BIG>على حس ولاد المفضوحه </BIG>
<BIG></BIG>
<BIG>وأرانب صاحيه ومدبوحه </BIG>
<BIG></BIG>
<BIG>تتأستك تبيع البنوكات </BIG>
<BIG></BIG>
<BIG>يا حلاوه الناوه كوا الناوه </BIG>
<BIG></BIG>
<BIG>يا بلدنا يا آخر فتكات </BIG>
<BIG></BIG>
<BIG>بوتيكات النات كوا النَّات</BIG>
<BIG> </BIG><BIG>** </BIG>
<BIG></BIG><BIG>حتقول الفقرا ومشاكلهم </BIG>
<BIG></BIG>
<BIG></BIG><BIG>دي مسائل عايزه التفانين </BIG>
<BIG></BIG>
<BIG></BIG><BIG>وأنا رأيي نحلها رباني</BIG>
<BIG></BIG>
<BIG></BIG><BIG>ونموّت كل الجعانين </BIG>
<BIG></BIG>
<BIG></BIG><BIG>وبهذا ما حشد </BIG>
<BIG></BIG>
<BIG></BIG><BIG>ح يجوع </BIG>
<BIG></BIG>
<BIG></BIG><BIG>لو نعلن هذا المشروع </BIG>
<BIG></BIG>
<BIG></BIG><BIG>وح نقفل هذا الموضوع </BIG>
<BIG></BIG>
<BIG></BIG><BIG>نهائياً </BIG>
<BIG></BIG>
<BIG></BIG><BIG>ونعيش في تبات </BIG>
<BIG></BIG>
<BIG></BIG><BIG>يا حلاوه الناوه كوا والناوه </BIG>
<BIG></BIG>
<BIG></BIG><BIG>يا بلدنا يا آخر فتكات </BIG>
<BIG></BIG>
<BIG></BIG><BIG>بوتيكات النات كوا النات </BIG>

[كتكوووتة]

طلع الصباح

<BIG>طلع الصباح كل الجمال في طلعته </BIG>
<BIG></BIG>
<BIG>والنور سرح كحل عينينا بفتنته </BIG>
<BIG></BIG>
<BIG>والطير صدح للمولى جلّت قدرته </BIG>
<BIG></BIG>
<BIG>الحان جميلة تنعش القلب الحزين </BIG>
<BIG></BIG>
<BIG>يسعد صباحكم كلكم ياشغالين </BIG>
<BIG></BIG>
<BIG>الشمس طالعة بابتسامة الاْمل </BIG>
<BIG></BIG>
<BIG>شعلة ياقوت زي الخدود وقت الخجل </BIG>
<BIG></BIG>
<BIG>بتقول يا نايم قوم بدا وقت العمل </BIG>
<BIG></BIG>
<BIG>دي الدنيا خيرها وعزّها للشقيانين </BIG>
<BIG></BIG>
<BIG>يسعد صباحكم كلكم يا شغالين </BIG>
<BIG></BIG>
<BIG>يا ولاد بلدنا من جنوبها لشرقها </BIG>
<BIG></BIG>
<BIG>يا مشمرين عن السواعد كلها </BIG>
<BIG></BIG>
<BIG>النور حضن بلادنا و ضمّها </BIG>
<BIG></BIG>
<BIG>والشمس هلّت بالامل ع الشقيانين </BIG>
<BIG></BIG>
<BIG>يسعد صباحكم كلكم يا شغالين </BIG>
<BIG></BIG>
<BIG>طلع الصباح كل الجمال في طلعته </BIG>
<BIG></BIG>
<BIG>والنور سرح كحل عينينا بفتنته </BIG>
<BIG></BIG>
<BIG>والطير صدح للمولى جلّت قدرته </BIG>
<BIG></BIG>
<BIG>الحان جميلة تنعش القلب الحزين </BIG>
<BIG></BIG>
<BIG>يسعد صباحكم كلكم يا شغالين</BIG>

[كتكوووتة]

<BIG>المسحراتي </BIG>
<BIG></BIG>
<BIG>حبلت الايام سنين</BIG>
<BIG>ولدت الايام دهور </BIG>
<BIG>دامت الايام لمين </BIG>
<BIG>وحدّوا المولى الغفور </BIG>
<BIG>صلّي ع اللي في القيامة يشفعك </BIG>
<BIG>واصحى يللي نمت من اللي بيوجعك </BIG>
<BIG>واكشف اللي بيؤلمك و بيمنعك </BIG>
<BIG>وانده اللي لو ندهته يسمعك </BIG>
<BIG>قول يا جارة </BIG>
<BIG>قول يا جار </BIG>
<BIG>مهما طال الليل وجار </BIG>
<BIG>كل جرم وله مدار </BIG>
<BIG>و الكواكب دوارين </BIG>
<BIG>وحدّوه يا مؤمنين </BIG>
<BIG>صحّي نومك يا اسطى فكري يللي ناسي </BIG>
<BIG>هلّ يومك يا اسطى مرسي يللي راسي </BIG>
<BIG>يا حبايب مصر يا اْهلي يا ناسي </BIG>
<BIG>اللي يعشق بالسهر حتما يقاسي </BIG>
<BIG>اصحى يا نايم كفاية </BIG>
<BIG>وحّد الانسان معاي </BIG>
<BIG>طالت الليل الرحايا </BIG>
<BIG>والحدادي قلقانين </BIG>
<BIG>وحّدوه يا مؤمنين </BIG>
<BIG>.......... </BIG>
<BIG>يللي صاحيين في البيوت </BIG>
<BIG>يللي كاشفين المكان </BIG>
<BIG>يللي سامعين السكوت </BIG>
<BIG>يللي واعيين للزمان </BIG>
<BIG>استعدوا للقيام </BIG>
<BIG>استعدوا للقيام </BIG>
<BIG>واقبلوا مني الكلام </BIG>
<BIG>مصر نايمة من سنين </BIG>
<BIG>وحّدوه يا مؤمنين</BIG>


<BIG><BIG>بقرة حاحا </BIG></BIG>
<BIG>........ </BIG>
<BIG></BIG>
<BIG>ناح النواح و النواحة </BIG>
<BIG>على بقرة حاحا النطاحة </BIG>
<BIG>و البقرة حلوب .. تحلب قنطار </BIG>
<BIG>لكن مسلوب .. من أهل الدار </BIG>
<BIG>و الدار بصحاب .. و حدعشر باب (11 باب ) </BIG>
<BIG>غير السراديب .. و بحور الديب </BIG>
<BIG>و غيلان الدار .. واقفين بنهار </BIG>
<BIG>و ف يوم معلوم ... عملوها الروم </BIG>
<BIG>زقوا الترباس ... هِربوا الحراس </BIG>
<BIG>دخلوا الخواجات .. شفطوا اللبنات </BIG>
<BIG>و البقرة تنادي .. و تقول يا ولادي </BIG>
<BIG>و ولاد الشوم ... رايحين ف النوم </BIG>
<BIG>البقرة انقهرت .. م القهر انصهرت </BIG>
<BIG>وقعت بالبير .. سألوا النواطير : </BIG>
<BIG>طب وقعت ليه ..؟ </BIG>
<BIG>وقعت م الخوف </BIG>
<BIG>و الخوف يجي ليه .. ؟ </BIG>
<BIG>من عدم الشوف </BIG>
<BIG></BIG>
<BIG>و قعت م الجوع و م الراحة </BIG>
<BIG>البقرة السمرا النطاحة </BIG>
<BIG>ناحت مواويل النواحة </BIG>
<BIG>على حاحة و على بقرة حاحا</BIG>

[كتكوووتة]

<BIG><BIG>أوأه</BIG></BIG>
<BIG><BIG></BIG></BIG>
هذه القصيده كتبها للرئيس انور السادات

<BIG>أوأه المجنون أبو برقوقه </BIG>
<BIG></BIG>
<BIG>عيره وبرانى وملزوقه </BIG>
<BIG></BIG>
<BIG>نصاب ومنافق ودماغه </BIG>
<BIG></BIG>
<BIG>مليانه مناطق موبوءه </BIG>
<BIG></BIG>
<BIG>والنكته كمان انه حلنجى </BIG>
<BIG></BIG>
<BIG>وعامل لى فكاكه وحندوقه </BIG>
<BIG></BIG>
<BIG>مع ان الحجش أفهم منه </BIG>
<BIG></BIG>
<BIG>والعالم فهمه ومفلوقه </BIG>
<BIG></BIG>
<BIG>بسلامته بيسرح قال بينا </BIG>
<BIG></BIG>
<BIG>يعنى احنا مواشى يا زقزوقه </BIG>
<BIG></BIG>
<BIG>داحنا العريفه الحريفه </BIG>
<BIG></BIG>
<BIG>غيرش الايام المدعوقه </BIG>
<BIG></BIG>
<BIG>شفت الولدات الشلبيه </BIG>
<BIG></BIG>
<BIG>ليلة التحرير يا أسطى فاروقه </BIG>
<BIG></BIG>
<BIG>أهو دولا ولادنا وأكبدنا </BIG>
<BIG></BIG>
<BIG>وقلوبنا عليهم مشقوقه </BIG>
<BIG></BIG>
<BIG>يا سلام يا صلاة النبى احسن </BIG>
<BIG></BIG>
<BIG>إلى حيل العلم يا مرزوقه</BIG>
<BIG> </BIG>
<BIG>حلوين وحياتك يا بلدنا </BIG>
<BIG></BIG>
<BIG>يا أم الخيرات المسروقه </BIG>
<BIG></BIG>
<BIG>احنا اللى رمينا البذرايه </BIG>
<BIG></BIG>
<BIG>وروينا الارض المعزوقه </BIG>
<BIG></BIG>
<BIG>وحنحصد بكره وحنغنى</BIG>
<BIG> </BIG>
<BIG>وعيون الخاين مخزوقه </BIG>
<BIG></BIG>
<BIG>القاهرة / 1973</BIG>

[كتكوووتة]

<BIG><BIG> جائزة نوبل </BIG></BIG>


هذه القصيدة كتبها بمناسبة معاهدة السلام وحصول مناحم بيجن على جائزة نوبل

<BIG>شوف عندك يا سلاملم </BIG>
<BIG></BIG>
<BIG>واتفرج يا سلام </BIG>
<BIG></BIG>
<BIG>مواطن شخص عادى </BIG>
<BIG></BIG>
<BIG>مالوش اى اهتمام </BIG>
<BIG></BIG>
<BIG>ومبارك الخيانه </BIG>
<BIG></BIG>
<BIG>ومسميها السلام </BIG>
<BIG></BIG>
<BIG>وف يوم قرا الجرايد </BIG>
<BIG></BIG>
<BIG>تاريخ ما اعرفش كام </BIG>
<BIG></BIG>
<BIG>من يومها يا ضنايا </BIG>
<BIG></BIG>
<BIG>بيشقلب فى الكلام </BIG>
<BIG></BIG>
<BIG>واتفرج يا سلاملم </BIG>
<BIG></BIG>
<BIG>اتفرج يا سلام </BIG>
<BIG></BIG>
<BIG>على شقلب يا سلام </BIG>
<BIG></BIG>
<BIG>لنا محانم جيبن يادخ </BIG>
<BIG></BIG>
<BIG>زايجة لوبن </BIG>
<BIG></BIG>
<BIG>يعنى مناحم بيجن </BIG>
<BIG></BIG>
<BIG>ياخد جايزة نوبل </BIG>
<BIG></BIG>
<BIG>تبقى النوديا يعنى الدنيا </BIG>
<BIG></BIG>
<BIG>ماشيه بتحدف بالمندار </BIG>
<BIG></BIG>
<BIG>يبقى الشهر اتناشر ساعه </BIG>
<BIG></BIG>
<BIG>يبقى اليوم ليلتين ونهار </BIG>
<BIG></BIG>
<BIG>يبقى القاتل شحص ضحية</BIG>
<BIG></BIG>
<BIG>والمقتول مجرم جبار </BIG>
<BIG></BIG>
<BIG>شفتوا ازاى ؟ </BIG>
<BIG></BIG>
<BIG>اما صحيح الطب اتقدم </BIG>
<BIG></BIG>
<BIG>وحنا ما وصلناش أخبار </BIG>
<BIG></BIG>
<BIG>أيوه يا لجنة لوبن بيه </BIG>
<BIG></BIG>
<BIG>قاعدة بتلجنى ايه </BIG>
<BIG></BIG>
<BIG>أنا مش فاهم حاجه صراحه </BIG>
<BIG></BIG>
<BIG>لما القاتل ياخد جايزه </BIG>
<BIG></BIG>
<BIG>كده من دون تلبيخ وأباحه </BIG>
<BIG></BIG>
<BIG>يبقى يا أما اللجنه دى بايظه</BIG>
<BIG></BIG>
<BIG>او لامؤاخذه رئيسها حمار </BIG>
<BIG></BIG>
<BIG>يبقى يا لجنه يا عره يا كوسه </BIG>

<BIG>جتنا وجاتكو ستين حوسه </BIG>
<BIG></BIG>
<BIG>تبفى ف هذا الزمن المايل </BIG>
<BIG></BIG>
<BIG>ياما حنجرى علينا هوايل </BIG>
<BIG></BIG>
<BIG>تبقى اللكمه بدل الكلمه </BIG>
<BIG></BIG>
<BIG>والكاتب يمسك منشار </BIG>
<BIG></BIG>
<BIG>يبقى الراعش يعنى الشاعر </BIG>
<BIG></BIG>
<BIG>يسكن شقة فى بيت ف قصيده </BIG>
<BIG></BIG>
<BIG>يكتب فول ياكل أشعار</BIG>

[كتكوووتة]

<BIG>مرحبـــــــــــا</BIG>
<BIG></BIG>
<BIG>بعد السلام والمرحبا </BIG>
<BIG></BIG>
<BIG>يا اولاد بلدنا يا طيبين </BIG>
<BIG></BIG>
<BIG>نفرش كلام المصطبة </BIG>
<BIG></BIG>
<BIG>واضح لكل السامعين </BIG>
<BIG></BIG>
<BIG>مصر الحبيبة الطيبة </BIG>
<BIG></BIG>
<BIG>أم البنية (بتشديد الياء) والبنين </BIG>
<BIG></BIG>
<BIG>ايش حالها في عز الصبا </BIG>
<BIG></BIG>
<BIG>ايش حال ولادها المخلصين </BIG>
<BIG></BIG>
<BIG>وسط العواصف مركبة (سفينة) </BIG>
<BIG></BIG>
<BIG>بين ريح شمال وريح يمين </BIG>
<BIG></BIG>
<BIG>جابوا الطبيب ابن الحلال </BIG>
<BIG></BIG>
<BIG>كشف مكان الداء وشاف وقال </BIG>
<BIG></BIG>
<BIG>أهل البصيرة في البلد </BIG>
<BIG></BIG>
<BIG>جواب لكل السائلين </BIG>
<BIG></BIG>
<BIG>قال البلد عاوزه ولد </BIG>
<BIG></BIG>
<BIG>ياخد بطار (ثأر) المظلومين </BIG>
<BIG></BIG>
<BIG>ولد يعوض اللي راح </BIG>
<BIG></BIG>
<BIG>ويعلا فوق كل الجراح</BIG>
<BIG></BIG>
<BIG>ويمد إيده في الضباب </BIG>
<BIG></BIG>
<BIG>يشد أنوار الصباح </BIG>
<BIG></BIG>
<BIG>فيكم ولد يا سامعين ؟ </BIG>
<BIG></BIG>
<BIG>(يرد الكورس): أجدع ولد </BIG>
<BIG></BIG>
<BIG>طب هوه فين ؟ وهوه مين؟ </BIG>
<BIG></BIG>
<BIG>كورس: ابن البلد </BIG>
<BIG></BIG>
<BIG>يا ابن البلد يا ابن البلد </BIG>
<BIG></BIG>
<BIG>الوقت وقتك يا ولد </BIG>
<BIG></BIG>
<BIG>يا قلب مصر ونبضها </BIG>
<BIG></BIG>
<BIG>كورس: يا ابن البلد يا ابن البلد </BIG>
<BIG></BIG>
<BIG>يا صبحها </BIG>
<BIG></BIG>
<BIG>كورس: يا ابن البلد </BIG>
<BIG></BIG>
<BIG>يا ربحها </BIG>
<BIG></BIG>
<BIG>كورس: يا ابن البلد </BIG>
<BIG></BIG>
<BIG>يا قمحها </BIG>
<BIG></BIG>
<BIG>كورس: يا ابن البلد </BIG>
<BIG></BIG>
<BIG>يا رمحها </BIG>
<BIG></BIG>
<BIG>كورس: يا نور سماها وأرضها </BIG>
<BIG></BIG>
<BIG>آدي كلام المصطبة يا اولاد بلدنا يا طيبين </BIG>
<BIG></BIG>
<BIG>بعد السلام والمرحبا واضح لكل السامعين </BIG>

[كتكوووتة]

<BIG></BIG>
<BIG>دور يا كلام علي كيفك دور</BIG>
<BIG></BIG>
<BIG>دور يا كلام على كيفك دور</BIG>
<BIG></BIG>
<BIG>خلي بلدنا تعوم في النور </BIG>
<BIG></BIG>
<BIG>وارمي الكلمة في بطن الضلمة </BIG>
<BIG></BIG>
<BIG>تحبل سلمة وتولد نور </BIG>
<BIG></BIG>
<BIG>يكشف عيبنا ويعيبنا </BIG>
<BIG></BIG>
<BIG>نسعى نهب نثور </BIG>
<BIG></BIG>
<BIG>دور يا كلام على كيفك دور </BIG>
<BIG></BIG>
<BIG>عم امام عنده كلام </BIG>
<BIG></BIG>
<BIG>وسواح في بلاد الناس </BIG>
<BIG></BIG>
<BIG>من شوق نوله يغزل قوله </BIG>
<BIG></BIG>
<BIG>ويغني مرفوع الراس مرفوع الراس</BIG>

[كتكوووتة]

<BIG><BIG>نشيد الكروان ( إلى الشعب ) </BIG></BIG>
<BIG><BIG></BIG></BIG>
<BIG>دار الفلك .. في مغزلك </BIG>
<BIG></BIG>
<BIG>طول السنين ما أمهلك </BIG>
<BIG></BIG>
<BIG>يا ماسك الروح في الحياة </BIG>
<BIG></BIG>
<BIG>الحب لك و الخلد لك </BIG>
<BIG></BIG>
<BIG>أنت الازل و انت الابد </BIG>
<BIG></BIG>
<BIG>و الهالك اللي يجهلك </BIG>
<BIG></BIG>
<BIG>يا شعب يا روح الخلود </BIG>
<BIG></BIG>
<BIG>الملك لك و الخلد لك </BIG>
<BIG>.. </BIG>
<BIG>الليل حلك .. و البوم سلك </BIG>
<BIG></BIG>
<BIG>و البحر عطشان منهلك </BIG>
<BIG></BIG>
<BIG>و السهم طاش </BIG>
<BIG></BIG>
<BIG>اسقس العطاش </BIG>
<BIG></BIG>
<BIG>انت الكريم و بنسألك </BIG>
<BIG></BIG>
<BIG>.... </BIG>
<BIG></BIG>
<BIG>يهوذا خان .. أكم يهوذا و باع مسيح </BIG>
<BIG></BIG>
<BIG>لا يهوذا دام و لا جرح بلاد ٍ جريح </BIG>
<BIG></BIG>
<BIG>مليون يهوذا خان أمانك و إنهلك </BIG>
<BIG></BIG>
<BIG>و انت اللي باقي </BIG>
<BIG></BIG>
<BIG>عالسواقي </BIG>
<BIG></BIG>
<BIG>و منجلك </BIG>
<BIG></BIG>
<BIG>يفرش حصير القمح .. فوق دم المسيح </BIG>
<BIG></BIG>
<BIG>و انت الجريح </BIG>
<BIG></BIG>
<BIG>تيجي الاطبة و تسألك </BIG>
<BIG></BIG>
<BIG>ما أعجبك </BIG>
<BIG></BIG>
<BIG>ما أنجبك </BIG>
<BIG></BIG>
<BIG>ما أحملك </BIG>
<BIG></BIG>
<BIG>ما أنبلك </BIG>
<BIG></BIG>
<BIG>يا شعب يا نبض الوجود </BIG>
<BIG></BIG>
<BIG>الخلد لك </BIG>
<BIG></BIG>
<BIG>و الملك لك </BIG>

<BIG>الحكم لك .. الحكم لك</BIG>

[كتكوووتة]

استغماية

<BIG>غمي عيونك</BIG>
<BIG>
سد ودانك
إفتح بقك

قول انا فين
</BIG>
<BIG>الشاطر فيكو</BIG>
<BIG>
يحزر فزر</BIG>
<BIG>
في دقيقتين
والإشطر منه

اللي يحزرها

في غمضة عين

والإشطر خالص ما يحزرش

يقول انا فين

والإشطر أشطر

اللي يبص يشوف بالعين

انا فين ؟

فيه ناس

اختلف في الموضوع

وحكاوي اتقالت

عن مواضيع

والناس لا مؤاخذة

في زمن الجوع

يتعشوا كلام

يفطروا تشنيع !
</BIG>
<BIG>فيه واحد شافني</BIG>
<BIG>
بلبده ولاسه
في باب اللوق

والتاني

لمحني بقفصين موز

علي باب السوق

والتالت شافني

في كاديلاك

راكب مع بنتين

والرابع

شافني ف طنطا

بابيع

بلابيع ونشوق !

وصحافه الصاوي

والورداوي

والجمال

وأباظه ولاظه

وباقي الدلاديل

والأندال

بتأكد جدا

جدا جدا بالتدقيق

إن انا محبوس

وباروح يوميا

للتحقيق!
</BIG>
<BIG>طب اصدق مين</BIG>
<BIG>
وأكدب مين ؟!
ماهي حاجه تمخول أيها عاقل

وانا مجنون

وباكلم نفسي

وعقلي صراحه

ماهوش مضمون

لو كنت بلبده ولاسه

وماشي ف باب اللوق

طب إيه مشاني

مفلس جدا

جنب السوق ؟!

لوكنت بدأت

كتاجر فاكهه

وبقفصين ؟

مش كنت زماني

معلم طمبه

وجوز اتنين؟
</BIG>
<BIG>لوكنت ف كاديلاك</BIG>
<BIG>
زي ما قال

ومعايا بنات

زي الشربات

طب ح انزل ليه ؟!
</BIG>
<BIG>لوكنت يا طنطا</BIG>
<BIG>
بابيع بلابيع
وسطل وبخور
مدير على جامع

أو مأمور ؟
</BIG>
<BIG>وصحيح الصاوي</BIG>
<BIG>
والورداوي
والجمال

حابسين أفكار الناس

في بلدنا

وعال العال

إياك قاصدين

إن انا مسجون

زي الملايين ؟

كده يبقي تمام

ولأول مره

ح اقول " صادقين "

بس انا لا مؤاخذه

وبالتدقيق

ماحصلشي معايا

ولا تحقيق !

مش حاجه تحير

طب أنا فين ؟

حزرتوا خلاص

فزرتوا خلاص ؟

عارفين

أنا فين

أنا ساكن قلبي ومتونس

بالناس

والناس الونسه كتير

ماليين القلب

وشاغلينه

سارحين في الدم

وفي التفكير

وجناين قلبي العمرانه

بالناس

الأزهار

العصافير

سايعاني

وسايعه اللي باحبه

وتساعي معايا

رفاقه كتير

شايفين انا فين ؟

الشاطر فيكو

يحزر فزر

في دقيقتين

والأشطر طبعا

حيحزرها

في غمضة عين

أنا ...... فين ؟</BIG>

[كتكوووتة]

الاضراب

باسم الإله الشعب

رب المضربين
الصايم

المحروم على مر السنين

يا منشدين الحي

حيوا حينا

واحنا هنا

ع العهد دايما مخلصين

محلا القصايد

في الشدايد .. والغنا

محلا الكلام الحب

أوقات الشقا

احنا اللي تهنا ع الطريق

من بغضنا

متفرقين

والسجن هوا الملتقي !

آه يا رفاقه

من متاهات الطريق

لما الليالي

بيتخنق فيها القمر

يمشي الصديق

في الضلمه

يخبط في الصديق

والسكه بنت الخطوتين

تاخد سنه !

إحنا النهارده فين

وكام

وبكره كام

وبعده فين ؟

في كل يوم بنزور مكان

وكل يوم

بنزيد عدد

وكل يوم

نفتح بيبان

وكل يوم

بنزيل سدد

وكل يوم

يطلع بنا

وكل يوم

ينزل هدد

وكل يوم

نحبل غنا

وكل يوم

نولد مدد

احنا كده لازم نكون

جوا السجون

برا السجون

محلا القصايد

في الشدايد والغنا

محلا العيدان الخضر

في الربع الخراب

احنا اللي تهنا ع الطريق

من بعضنا

متجمعين

بنخط صفحه في الكتاب

ملعونه قامه تنحني بالقهر

ملعونه كلمه تنتني في الحلق

تهرب م اللسان

ملعونه ساعه تنحسب م العمر

يطويها الخنوع

ملعونه لقمه مغمسه بالذل

ملعونه الجبان

آه يا رفاقه

ياللي عملتوا الصلابه للحجر

بانده لكم

وسط الكآبه

والرتابه .. والضجر

يا مقربين الفجر

نوره ومطلعه

مدوا المسامع

في المجامع

واسمعوا

صرخة مغني الحي من جوف العدم

اتجمعوا

اتجمعوا
اتجمعوا

[كتكوووتة]

كلمتين إلي مصر

كل عين تعشق حليوة

و إنتي حلوة في كل عين

يا حبيبتي أنا قلبي عاشق

و اسمحيلي بكلمتين

كلمتين يا مصر يمكن

هما أخر كلمتين

حد ضامن يمشي آمن

أو مِـآمن يمشي فين

..........................

شابة يا أم الشعر ليلي

و الجبين شق النهار

و العيون بحرين أماني

و الخدود عسل و نار

و اللوالي ( اللؤلؤ) بابتسامتك

يحكوا أسرار المحار

يللي ساكنة القصر عالي

إيمتى يهنالي المزار

كلميني يا صبية

طال علي َّ الانتظار

كلمتين يا مصر يمكن

هما أخر كلمتين

حد ضامن يمشي آمن

أو مِـآمن يمشي فين

.....................

قصرك المسحور غيلانو

أغبى من دود الغيطان

بعد مص الغصن الاخضر

ينحتوا عضم العيدان

و اللي خلى الارض خضرا

و اللي خلى الدار آمان

عاش بجور ملو جوفه

مات بخوفه من الغيلان

طوّع الغلبان

ما قالش عن شقا العمر اللي كان

كلمتين بمصر يبقوا

هما أخر كلمتين

حد ضامن يمشي آمن

أو مِـآمن يمشي فين

....................

أدي كلمة من عذابي قلتهالك

باقي كلمة

من حنيني صنتهالك

في الضلوع من دنيا ظلمة

كنت خايف يلمحوها

يقتلوها في سكة ظلمة

سقسقت و النور بشاير بشاير

زهرة الصبار يا سلمى

يا نسيم الشوق يا طاير يا طاير

خد لمصر في الصبح كلمة

طول ما يبقى الركب ساير

بالبصاير و العينين

يبقى ضامن يمشي آمن

يبقى عارف يمشي فين

[كتكوووتة]

مقدمة أبو العلا 90

سافر غريب الدار
مشوار ورا مشوار
بلد الحبايب .. فين ؟
تاه السؤال واحتار
<BIG>المغني _
ومشيت كتير ورأيت
ناس ع الطريق ضايعين
ورجعت تاني لقيت
ناس ع الطريق راجعين
وعملت قلبي سبيل
يهدي الحيارى
دليل
وعشقت
عشق النيل
للخضره والنوار
الكورس _
سافر غريب الدار
مشوار ورا مشوار
بلد الحبايب .. فين ؟
تاه السؤال واحتار</BIG>
<BIG>المغني _
يا سكه الأحلام
يا مغربه روحي
اشكيكي للأيام
ولا أشتكي روحي
علمتي قلبي يميل
للحب
والمواويل
وحلمت حلم جميل
بالجنه
ونا في النار</BIG>

[كتكوووتة]

بابلو نيرودا

شيلي البارود
حطي الوعود
والتعليلات
في المهملات
<BIG>سفحوا الورود
من ع الخدود
والخضره
من قلب البنات</BIG>
<BIG>فين الأمان
جنب الغيلان
يا ملفقين
عصر التبات ؟</BIG>
<BIG>لا الجرح بات
ولا إتنسي
ولا التاريخ
والذكريات
سيدنا الحسين
اسبارتاكوس
الليندي
لوركا
عب رحيم
فلاح بلدنا اللي انشوى
قبل القيامه
في جحيم
سينا الطعينه المزمنه
ارنستو
جيفارا العظيم
خميس وبقري
والشفيع
أدهم
ومواله القديم
قطب الرجال اللي ابتلي
لما تلا الذكر الحكيم
عقد العقيق اللي اتبدر
من عهد سقراط الحكيم
زاد النهارده
وانتظم
بالدره والفص اليتيم
نيرودا
زمار الصباح
نيرودا
مزمار النسيم</BIG>
<BIG>صابحه الصبيه
" سانتياجو "
تشرب لبنها من غناك
اتروعوا العصافير
وهاجوا
لما نعيت البوم
نعاك
وانت الشهيد
ملو البراح
جراح تعود المجروحين
ساعتين تشاور
ع الجراح
ينشد ضهر المطعونين
تتمدد إيدهم ع السلاح
وبعزم ما في الموجوعين
تطعن في شريان الطاعون
تجهز
على الداء الدفين
الشمس تطلع بالصباح
ترمي الصباح
على كل الإبد
حاضنه البنادق والجراح
بإيد وعافقه الناي
بإيد
والشمس تطلع في النهار
فوق كل قصر
وكل بيد
والشمس تسقط
في الغروب
عن بابلوا نيرودا .. الشهيد</BIG>
<BIG>دواره بتعدي السنين
يا أرضنا
يا ام البنين
دواره بتعدي اللي فات
يا أرضنا يا ام البنات
كروب
حروب
محن شعوب
كلاب
عذاب
ضباب
غروب
بروق
رعود
شروق
صعود
نضال
سجال حرام
حلال
والعدل .. كان
في كل آن
هو القضية
والرهان
والارض عاشت من زمان مسرح لفرسان الميدان
سيدنا الحسين
اسبارتاكوس
جيفارا
لوركا
عب رحيم
نيرودا زمار الصباح
نيرودا
مزمار النسيم</BIG>

[كتكوووتة]

عطشان يا صبايا

عطشان يا صبايا
وانا عاشق .. ع السبيل
عطشان
والميه ف بلدي
على عكس ما يجري النيل
والنخل العالي مطاطي
والجذع الواطي
ذليل
والريح العاكس
كابس
والريح العاطي
بخيل
والنسمه اتعكر لونها
من هم الناس
يا خليل
عطشان والنيل في بلدي
والزرع اخضر
وجميل
وانا كنت امبارح خالي
واليوم دا
صبحت عليل
عطشان ودوايا حبيبي
يسقيني العشق دليل
ودليل الحب .. عمايل
وكلام الحب جميل
<BIG>وانا كل ما أقول التوبه
تغويني .. المواويل
تطرح في القلب جناين
تفقس فيها الزغاليل
عشاق يا حمام الغيه
ولا فيش قدامنا بديل
سكه ومحسوبه علينا
نمشيها
جيل ورا جيل
ع الشوك
نفرد خطاوينا
في الليل
تضوي القناديل
حوالينا قلوب حبابه
ومعانا العقل دليل
والشمس تصب صبابه
والمنبع
نهر النيل
وان لاموا علينا
يلوموا
ما لهمش علينا سبيل
ما هو شوك العشق
ملامه
والشوك
في الورد أصيل
ودوني ع السبيل
ودوني ع السبيل</BIG>

[كتكوووتة]

الشاعر الأكره

أنا الأديب لما أتكلم ما باخليشى
لأني جاهل
وفاجومي
ومخ مفيشي
وأي تغيير في حياتي
ميتعبنيشي
وأنا اللي قولي على نويى
مش من بره
وأبدأ كلامي عن الأشعار
واللي زانوها
بيرم وخيرى
وكل الناس اللي صانوها
أما الكلاب عند الجواسيس
واللي خانوها
فدول كلاب
وما مبنذكروش هنا بالمره
الله الله يابدوي
هنا بالمره
***
ياعم بيرم وحياتك
واللي أماتك
وخلا الناس مآبين
عايشيين على مقالاتك
وواد مباحث يتطاول
على مقاماتك
لاجعل الشعرا الأندال
مسخه وعبره
الله الله يابدوى
هنا بالمرة
***
فى كل مولد ياشويعر
لفلفت حزام
ورقصت تبع المزيكة
وكنست مقام
وصاحبت كل الألاتية
ومشيت خدام
لكل عالمة وشبشبها
حسب الأجرة
***
حرباية يابن الحرامية
مية المية
على كل لون جاهز تركب
ع التسقية
أما انت مالح ومزبط
وابن غبية
وحصانك اللي راهنت عليه
يخسر بكره
الله الله يابدوى
يخسر بكره
***
الطبل غير الشعر يا واد
ماتهبلشي
وأى شخص يكون شاعر
مايطبلشي
ياتقول كلامك جواك
يا متقبلشي
ملعون ابوك طالع نازل
شاعر أكره

[كتكوووتة]

فات الهوي

فات الهوى سلم علي

بات السهر ساكن عنيه

عاد الهوى بين يوم وليله

وإحنا سوا يا نور عنيه

فات الهوى

آه يا أسمراني

لحظه ما فات لحظك

ناداني

عاد الهوى قام التقاني

زى الهوى

قلبي ف إيديا

فات الهوى

يا واد يا خمري

سلم

وأنا سلمت أمري

عاد الهوى بالشوق يا عمري

يملا السهر والنوم عليّ

فات الهوى

آه يابن عمي

زى الهوا شعلل فى دمي

وأما شكيت الوجد لآمي

ضحكت

وباستني ف عنيه

[كتكوووتة]

هو شي منه

يادي العجب يا رجب

يا مرتب الحكايات

إسمع وشوف وإندهش

وأكتبها فى الكتبات

عسى الكلام ينقري

لو قلبوا الصفحات

خلي الشعوب والدول

تتعلم البطولات

الحزن طول عمرنا

له من حياتنا حياه

نقضيها فى النهنهه

ونضيع إلآوقات

نبكي على اللي مضى

ونعيش مع اللي فات

[كتكوووتة]

سايجون

أبجد هوز
حطي كلمن
إفتح صفحه
إمسك قلمن
إكتب زي
الناس ما بتنطق
سقطت سايجون
رفعوا العلمن
<BIG>طلعت شمس اليوم دا
أغاني
كل ما نسمع
نعشق تاني
طلعت شمس اليوم دا
حريقه
تشفي الجرح
وتبري الألمن</BIG>
<BIG>سايجون عادت للثوار
فوق الدم
وتحت النار
جدوا فوجدوا
زرعوا
فحصدوا
وإحنا إدينا للسمسار
وإللي قالوه السمسارجيه
وإللي حكاه السمساردار
لما قروه القروانجيه
بالمستعدل والمندار
هتش ونتش
بعزم الصوت
عن أمريكا وهوا أمريكا
زعموا الفانتوم
شايل موت
سقط الموت بعلم أمريكا
جاتكو فضيحه
يا طبقه سطحيه
وعامله فصيحه
وجايبه العار
قراونجيه
وكتبنجيه
وسمسارجيه
وسمساردار</BIG>
<BIG>سايجون دره يا ثوار
عادت حره
للأحرار
داحنا حنشبع بكره أغاني
إسمع وحفظ يا كتباني
واثبت عندك فى الأوراق
مصر بتنضح بالأشواق
مصر عروسه
وبكره عريس
والعشاق إحنا العشاق
فينا وبينا ولينا الثوره
إحنا الثوره
وهي الناس
فينا الماضي
وبينا الحاضر
والمستقبل
هو الناس</BIG>

[كتكوووتة]

عنيكي

وعنيكي سكة سفر
في الصحرا .. والواحه
والشوق .. ودنيا السهر
لانوم .. ولا راحه
ولا الرموش السود
بينادوا ع الموعود
<BIG>وانا اللي خدني الغزل
ع الجنه طوالي
وشربت نهر العسل
وغزلت موالي
وسهرت فيكي الليل
والناس تقول يا ليل</BIG>
<BIG>ورجعت سكة سفر
في الصحرا .. والواحه
في عنيكي</BIG>
<BIG>وانا باقول يا ليل
ولكل عاشق ليل
يا جنه الملتقي
مين فات سأل عنا
ومين عطف بعدنا
ع الورد .. يا جنه
من لحظه كنا سوا
والعشق كا تباريح
ورجعت سكة سفر
في الصحرا .. والواحه
في عنيكي</BIG>

[كتكوووتة]

أبو العلا 90 الخاتمة

سيبه سيبه سيبه
خليه ياخد نصيبه
دا واحد عصر حجري
وشايل قلب غجري
لو هو قطر مجري
بكره الجنان يصيبه
<BIG>ويخرج عن قضيبه
وراك وراك ياشاطر
يا ملخبط المسائل
يا مقدم الأواخر
ومأخر الأوائل</BIG>
<BIG>إسمك ؟ ما اعرفش اسمك
ولا حتي شفت رسمك
ولا تخليت كسمك
بعيده من قريبه
لكن لازح اجيبه
وراك وراك يا غاوي
تتسلى بالمواجع
وتشرب القهاوي
بمناسبة الفواجع</BIG>
<BIG>شرك شعلل شرارك
وحرق جارك ودارك
وان كان على قرارك
لو حتى فين ح اجيبه
ومش ممكن ح اسيبه</BIG>

[كتكوووتة]

مر الكلام

زي الحسام

يقطع مكان ما يمر

اما المديح سهل ومريح

يخدع صحيح ويغٌر

والكلمة دين

من غير إيدين

بس الوفا

ع الحر

[كتكوووتة]

النيل عطشان

النيل عطشان يا صبايا
للحب والحنين
والشط
لانور
ولا نسمه
ولا ناي
ولا عود يا سمين
****
يا شاهنده وخبرينا
يا ام الصوت الحزين
يا ام العيون جناين
يرمح فيها الهجين
ايش لون سجن القناطر
ايش لون السجانين
ايش لون الصحبه معاكي
نّوار البساتين
كلك محابيس يا بلدنا
وهدومك
زنازين
وغيطانك الوسايع
ضاقت ع الفلاحين
والدخان في المداخن
لون هم الشغالين
***
يا بنات النيل يا سبايا
ف حبال الجلادين
ما بقاش في زمانكم عنتر
لكن فيه الملايين
فارس محسوب الخطوه
يتحرك بالقوانين
لحظة ما تحين الساعة
يركب ضهر التنين
ويحطم الحواجز
ويفك المساجين
<BIG>سجن الاستئناف 1980</BIG>

[كتكوووتة]

ديستان

فاليري جيسكار ديستان
والست بتاعة كمان
حيجيب الديب من ديله
ويشبع كل جعان
يا سلاملم يا جدعان
ع الناس الجنتلمان
داحنا حنتمنجة واصل
وحتبقى العيشة جنان
التليفزيون حيلون
والجمعيات تتكون
والعربيات حتمون
بدل البنزين
بارفان
وحتحصل نهضة عظيمة
وحيبقى علينا القيمة
فى المرسح او في السيما
او ف جنينة الحيوان
وحتبقى الاشيا زلابية
ولا حوجة لسوريا وليبيا
وحنعمل وحده ارابيا
مع لندن والفاتيكان
والفقرا حياكلوا بطاطا
وحيمشوا بكل الاطة
وبدال ما يسموا شلاطة
حيسموا عيالهم
جان
واد بفضل صديكي
ديستان الرومانتيكي
ولا حدش فيكو شريكي
فى المسكن
والدكان

[كتكوووتة]

حرب الشعب

ماتقولليش

ماتعدليش

حرب الشعب وغيرها مافيش

حاس يامصاروه

حاس ياولاد

حاس يامداين

حاس يابلاد

حسنا ياناسنا وداسنا الغول

عض بلدنا

عرض وطول

ماتقولليش الجيش مسؤل

جيش من غير شعب

مايمشيش

<B><BIG>1968م</BIG></B>

[كتكوووتة]

الشيخ عاشور

سلام مربع يا بلد

للشيخ عاشور

قلب الاسد

سلام يا واد

على دا ودا

لو دسته منه

فى البلد

ما كانش كان

كل اللي كان

ولا كان دا حالك يا بلد

مدد يا شيخ عاشور

مدد

مدد يا شيخ عاشور مدد

<B><BIG>القاهره / 1968</BIG></B>

[كتكوووتة]

دعــــــــــوة

يا خالقنا وعالم بلاوينا

يا رازقنا

وحاسب خطاوينا

نسأل فضلك

من إحسانك

يظهر عدلك

وبسلطانك

يطلع فلاح من وسطينا

يزعط أفندينا

وحرامينا

<B><BIG>القاهره / 1986</BIG></B>

[كتكوووتة]

يــــا مصــــــــر

فلاحينك هما هما

فلاحين رمسيس وخوفو

جيش

لا عيش ولا زمزميه

فى الهجيره تبل جوفه

المرض للموت يجرة

وهو ماشي

يجر خوفه

أعمي

سالك سكه عتمه

خطوته

على قد شوفه

<B><BIG>معتقل القناطر / 1970</BIG></B>

[كتكوووتة]

آخــــــر الكـــــلام

وآه يا خي اه
ياخي
كنا نملا الدنيا ضي
بس اه
لو كنا زي
الف اه
واه يا خيكنا جبنا الشمس
من برج الاسد
واديناها للعيال
غزل البنات
يطبعوها ع الهدوم
والكراسات
يشبكوها
ورد شعور البنات
ينظموها
عقد من شر الحسد
يضوي نوره
لما يضوي
كل حاره وكل حي
بس اه لو كنا زي
الف اه
واه ياخي
كنا المظلوم اذا هاجم
جري
كنا لو كان السلاح فى يدنا
والمعارضه
يد واحده عندنا
دسنا شاهنا
وامريكانه بنعلنا
وابتدينا الثوره
من اوسع طريق
كان تمنتاشر يناير
ف الشوارع لسه حي
بس اه
لو كنا زي
الف اه
واه ياخي

[كتكوووتة]

بــــلح ابـــــــريم

يابلح ابريم يا سمارة
سواك الهوي ف العالي
هويت
على طمى النيل ياسمارة
وشربت عكار
لما استكفيت
بس احلويت قوي يا سمارة
لما اسمريت قوي ياسمارة
لفيت الشارع و الحارة
على زى نقاوتك فين
ما لقيت
<BIG>يا حلاوة بنار
يا حلاوة بنار الشمس النور
يا سمارة وعمار الصحرا البور
شباك الهوى
داير ما يدور
اتاريك دبت وطبيت
بس اغلويت قوي ياسمارة
لما اتدليت قوى ياسمارة
ونزلت الشارع الحارة
سوقك
لا رخصت ولا اتذليت
يا بلح ابريم
ياسمارة</BIG>
<BIG>حصنت بعقدك صدر الناس
من شر النخاس الخناس
يابو قلب لا سوسه
ولا سواس
ورقيتك يا اسمر
واسترايت
الضم حبابيك بقي ياسمارة
وافتح شبابيبك لقا يا سماره
على جو الشارع
والحاره
تحلو زيادة
وتملا البيت
يا بلح ابريم يا سماره</BIG>

[كتكوووتة]

الحــــــمد لله

الحمد لله خبطنا
تحت بطاطنا
يا محلا رجعه ظباطنا
من خط النار
يا اهل مصر المحميه
بالحراميه
الفول كتير والطعميه
والبر عمار
والعيشه معدن واهي ماشيه
اخر اشيا
مادام جنابه والحاشيه
بكروش وكتار
<BIG>ح تقول لى سينا وما سينا شي
ما تدوشناشي
ما ستميت اوتوبيس ماشى
شاحنين انفار
ايه يعني لما يموت مليون
او كل الكون
العمر اصلا مش مضمون
والناس اعمار</BIG>
<BIG>الحمدلله وأهي
ظاطت
والبيه حاطط
في كل حته
مدير ظابط
وإن شالله
حمار </BIG>
<BIG>ايه يعني فى العقبه جرينا
ولا ف سينا
هى الهزيمه تنسينا
اننا احرار
ايه يعني شعب ف ليل ذلة
ضايع كله
دا كفاية بس اما تقول له
احنا الثوار</BIG>
<BIG>الحمد الله ولا حولا
مصر الدوله
غرقانة فى الكدب علاوله
والشعب احتار
وكفايه اسيادنا البعدا
عايشين سعدا
بفضل ناس تملا المعده
وتقول اشعار
اشعار تمجد وتماين
حتى الخاين
وان شا الله يخربها مداين
عبد الجبار</BIG>
<BIG>القاهره / يونيو 1967</BIG>

[كتكوووتة]

شــــجرة لــــــو

يا اماني يا شجره ف بستاني
بتفرع يا ما وتعلو
وبيستناها الفكهاني
ولا تطرح غيركلمه لو
لوأغمض وافتح تانى
الاقينى طاير فى الجو
والشمس عروسه مقابلانى
بالطرحه الدهبي وبالضو
لاخطف طرحتها وفرحتها
وانزل فى اللحظه وفى التو
ابدر انورها واشواقي
ع الارض تنور تحلو
والمس بالكف المتحني
ع الزرع يبشر ويمني
والحب يرعرع
ويغني
والعمر يهني
ويغلو
ويقوموا الناس فى الفجريه
والصبح بيضحك هأ او
والليل بعيونه الحراميه
بيعيط خايف م العو
وامانى كتيره مشاغلانى
ممكن تتحقق يوم او
على راي صاحبنا البستانى
لو تطرح يوم شجره لو
<BIG>القاهره / 1967</BIG>

[كتكوووتة]

أول كلام

كلامنا عن ايران
ما لوش طبعا مكان
فى اعلام الخيانه
وصوت الامريكان
لان الامن شايف
بان الأخ خايف
ليلزق على الشفايف
ويلبس فى الودان
كلام عن الخيانه
ومن عالم جعانه
فتظهر الادانه
على الشاه اللى خان
ادانه يعنى ثوره
ما تقبلش المناوره
وفضح وكشف عوره
واخر بهدلان
<BIG>فليه الامن يرضى
يبحبح للمعارضه
دى عالم يابا مرضى
واغلبهم جعان
وهكذا الطريقه
طناش
على الحقيقه
فتبقى الناس
غريقه
وتسمع شقلبان</BIG>
<BIG>لهذا
او لذلك
حنمشى فى المسالك
ونطلع م الزمالك
نخش الترجمان
وكلمتنا نقولوها
حليب من بز أبوها
فناسنا يسمعوها
فيحصل بغبغان
فهات ودنك يا خلي
اقولك وانت قوللي
وسيبك م اللي واللي
ونحكى
عن ايران</BIG>

[كتكوووتة]

اصــحي يــــــا مصــــــــــر

اصحى يا مصر
اصحى يا مصر
هزى هلالك
هاتى النصر
كونى يا مصر وعيشي يا مصر
مدي اديكى
وطولى العصر
اصحي وكوني وعيشي يا مصر
<BIG>اصحى يا عامل مصر يا مجدع
وافهم دورك
ف الوردية
مهما بتتعب
مهما بتصنع
تعبك رايح
للحراميه
جهدك عملك
رزق عبالك
عرقك مرقك
ولا يهنا لك
اصحى يا عا مل
غير حالك
صون المصنع
واصنع مصر
اصحى وكونى وعيشي يا مصر</BIG>
<BIG>اصحى يا زارع مصر الخضره
قدره وخضره
ونور وجمال
ابدر غيطك
واحمى البدره
ضد الافه
والاستغلال
ارضك عرضك
باب الدار
صبحوا مداسه
للسمسار
نعطش
ولانشربش عكار
وصفه قالوها الحكما يامصر
اصحى وكونى وعيشي يا مصر</BIG>
<BIG>واصحى يا جندى
يا تار الشهدا
عمى وخالك
اختى واخوك
لجل ما تهدا وتارك يهدا
فرغ نارك ف اللى خانوك
يابن الشعب يا حامي الشعب
انت املنا فى يوم الصعب
اصحى يا جندى ودق الكعب
حرر مصر وطهر مصر
اصحى وكوني وعيشي يا مصر</BIG>

[محمد 85]

شكرااااااااااااااااااااااااااا

[الهادي الزغيدي]

شكرا جزيلا على تنزيل هذه القصائد للشاعر الكبير أحمد فؤاد نجم. فأنا في أشد الحاجة إليها و خاصة القصائد التي غناها الفنان القدير الشيخ إمام.

[ahmed1993]

جميل جدا وشكررررررررررررررررررررررررررررررررررررررررررررررر ررررررررررررررررررررررررررررررررررررررا على الحاجات الجميلة ديه

[pato24]

هل من مزيد