د/وائل وسيم المصرى
05-06-2008, 07:47 AM
انا ونانسى عجرم شفولنا حل
جنية ؟ ملاك ؟ انسية ؟ حته قشطة دايبه دوبان فى عسل نحل ربانى – سبحان اللى خلقها وصورها .
ايه ياعم مالك ؟ بشويش شوية
دماغى طارت من ساعة ماشفت اللللللللوزة دىىىىى .
ياأخى الواحد كبر واحنا متجوزين وعندنا عيال قدها . اتلم بقى
كبرنا يمكن – عندنا عيال ماشى – انما متجوزين – يبقى ياعيب الشوم علينا لما نعتبر نفسنا متجوزين نسوان أو احنا رجالة اصلا لما يكون فى حتة أصلى زى البت دى الدنيا – واروح انا اتجوز حتة استيراد من الصعيد الجوانى الصينى المضروب اللى مالى البلد.
ومين سمعك – بس حنعمل ايه نصيب بقى ؟؟
ملعون ابو نصيبى – مش عايزه – جانى وانا فى الضلمة .
مش قوى كده
لأ – قوى قوى كدة – ملعون ابو الدنيا لو الواحد ماتجوزش او حتى واحدة زى دى مرة واحده .
انت مجنون ؟ دى ممكن تعيا أو تموت لو واحد زيك يبوسها!!
ليه يعنى – ناقص رجل والا ناقص ودان او ديل ؟...
لأ – ناقص عقل ؟
طب ماكل الناس اتلحست دماغها – ياعم دى غيرت مقاييس الجمال فى الوطن العربى كله – ده مافيش بيت أو موقع عالنت الا والخناقات نازلة ولعة على دماغ اهله بسببها
الحريم وانت عارف دماغهم بقى بيغيروا منها.
متقوليش بقى _ ده انا مراتى كنت قاعد بتفرج على البت الطعمة دى فى كليب اطبطب وادلع – لما الدنيا لفت بدماغى – تقوم تيجى مراتى واقفة بينى وبين التليفزيون فجأة وكأنها طلعت من تحت الارض – أو حد رماها من السما عشان يخلص منها – وتقولى : عايزة اتنين جنيه عشان ادفع الزبال.
زبال ؟ دلوقتى ؟ – ياشيخة حرام عليكى وعلى اللى جابوكى – روحى البسى حاجة نضيفة قبل مايشوفك الزبال يقوم يطلب منك تشتغلى معاهم بعد الضهر.
لأ لأ أنا مش معاك .... انت كده اكيد زعلت المدام !!!
انا مش عارف قلت لها اللى قلته ده ازاى – مكانش قصدى – هى اللى جابت سيرة الزباله – وجاتنى وانا طاير فى الجنة مع نعمة ربنا كلمات ومزيكا والدنيارة معايا وكان نفسى مش يتالتنا الشيطان ! – كان نفسى يخاوينا الشيطان - فوقتنى منها لله وخرجتنى عن شعورى – ساعات بحاول انسى نفسى حالى واحلم – ده انا نفسى اشوف البت دى عشان اسألها سؤال واحد بس- ترد عليه بأغنية
أغنية مرة واحده ؟ ده انت عايز بقى تخش التاريخ ياعم .
آه !!
أغنية ليك انت ؟
آه – ليه - مالى فيا ايه ؟ هه
جتك نيلة – وعايز تسألها عن ايه ياتيس افندى؟
لو انا عملت عملية تجميل تقبل تتجوزنى ؟
وحضرتك متوقع تجاوبك بغنوة ؟
ليه لأ !!
اقترح عليك غنوة ؟
اتفضل
شاطر شاطر – او الدنيا حلوة
شفت !
شفت ايه ؟ ده لو انا مكانها ارد عليك بان الدنيا حلوة ابعد عنى ومتوسخش حياتى – شاطر شاطر تعيش وتاخد غيرها يابابا – دورك عددا خلاص – روح احجز فى الدور
دور ايه
مدافن المحافظة الجديدة – أصلها بالحجز – والاولوية للى يدفع كاش – يقوموا يسلموه من الدفعة اللى تشرح القلب وترد الروح – بتاعة المواطن السعيد اللى لازم يتكرررررم عشان تاريخة فى الكفاح المشلح المشررررف – اللى عاشه فى البلد دى وخاض معارك ضروس وتغلب عليها وقهرها كلها – وقهرته ناسى عجرم فقط.
أصلها عميلة – الموساد وال سى آى ايه بيدفعوا لها عشان تشغل الزعماء والشعوب وراها يقوم يتلهوا فى خبيتهم وراها –
بس دى عاملة مشاكل جامدة قوى ؟
ايوة يابا – دى ست الحسن – وكل واحدة كانت فاكرة روحها حلوة – فاقت دلوقتى – خلص الزمن بتاعهم خلاص- بقى فى زمن تانى جديد – زمن نانس . زمن نانسى عجرم
انبى توعدنا يارب.
بنانسى
لأ – بمدفن من بتوع المحافظة
تعمل بيه ايه؟
زى كل الناس مابتعمل – احجز لى مكان اتتتاوى فيه لما يأذن ربنا
وتشغل بالك ليه بالموضوع ده ؟ هو أنا كمان حفكر اندفن فين بعد ماموت ؟ - ياعم دول عملوه بزنس عشان ياخدوا اللى فاضل من الواحد قبل مايموت .
بس تقدر تنكر ان البت دى حلللللللت الدنيا ؟؟
دى ؟ دى الدنيا هى اللى اتخلقت لها عشان تحلى بيها - ياسيدنا دى واحدة من اتنين لن يناساهم التاريخ العربى .
هي ومين ؟
جولدا مائيير – فاكرها ؟
وايه دخل نانسى بدىكمان ؟– دى واحدة سفاحة
لكن نانسى خلت العيال يحسوا انهم رجالة وكبار
والتانية ؟
عملت الى قالوا انهم رجالة ..... نسوان .
ومادام الزمن بيدور – يبقى الدور على واحدة تيجى تفضح اللى عاملين رجالة فى زمن الغلبانة نانسى .
ياعم متكونش متشائم قوى كده ؟
ابدا والله ده انا متفائل وسعيد جدا بالحاضر ده – بس كان نفسى اعيش لما تيجى التانية عشان اتشفى من اللى فى بالى .
قصدك ايه ؟
ياعم ولا حاجة – خلينا نعيش – ناكل عيش ونغمس عالريحة وخلاص – اهو الواحد يبص فى صورة الجميل ده ويغمض عنيه ويمشى بخفة ودلع ويشوف الدنيا هيا الشابة وهو الجدع – تشوف رشاقة خطوتك تعجبك – لكن انت لو بصيت لرجليك تقع – وعجبى .
د/وائل وسيم المصرى
اللهم صلى وأسلم وبارك عليك ياحبيى ياسيدى يارسول الله يامحمد
ماطلع فجر يوم ودق قلب وقطرت سماء وجرى دم فى عروق
جنية ؟ ملاك ؟ انسية ؟ حته قشطة دايبه دوبان فى عسل نحل ربانى – سبحان اللى خلقها وصورها .
ايه ياعم مالك ؟ بشويش شوية
دماغى طارت من ساعة ماشفت اللللللللوزة دىىىىى .
ياأخى الواحد كبر واحنا متجوزين وعندنا عيال قدها . اتلم بقى
كبرنا يمكن – عندنا عيال ماشى – انما متجوزين – يبقى ياعيب الشوم علينا لما نعتبر نفسنا متجوزين نسوان أو احنا رجالة اصلا لما يكون فى حتة أصلى زى البت دى الدنيا – واروح انا اتجوز حتة استيراد من الصعيد الجوانى الصينى المضروب اللى مالى البلد.
ومين سمعك – بس حنعمل ايه نصيب بقى ؟؟
ملعون ابو نصيبى – مش عايزه – جانى وانا فى الضلمة .
مش قوى كده
لأ – قوى قوى كدة – ملعون ابو الدنيا لو الواحد ماتجوزش او حتى واحدة زى دى مرة واحده .
انت مجنون ؟ دى ممكن تعيا أو تموت لو واحد زيك يبوسها!!
ليه يعنى – ناقص رجل والا ناقص ودان او ديل ؟...
لأ – ناقص عقل ؟
طب ماكل الناس اتلحست دماغها – ياعم دى غيرت مقاييس الجمال فى الوطن العربى كله – ده مافيش بيت أو موقع عالنت الا والخناقات نازلة ولعة على دماغ اهله بسببها
الحريم وانت عارف دماغهم بقى بيغيروا منها.
متقوليش بقى _ ده انا مراتى كنت قاعد بتفرج على البت الطعمة دى فى كليب اطبطب وادلع – لما الدنيا لفت بدماغى – تقوم تيجى مراتى واقفة بينى وبين التليفزيون فجأة وكأنها طلعت من تحت الارض – أو حد رماها من السما عشان يخلص منها – وتقولى : عايزة اتنين جنيه عشان ادفع الزبال.
زبال ؟ دلوقتى ؟ – ياشيخة حرام عليكى وعلى اللى جابوكى – روحى البسى حاجة نضيفة قبل مايشوفك الزبال يقوم يطلب منك تشتغلى معاهم بعد الضهر.
لأ لأ أنا مش معاك .... انت كده اكيد زعلت المدام !!!
انا مش عارف قلت لها اللى قلته ده ازاى – مكانش قصدى – هى اللى جابت سيرة الزباله – وجاتنى وانا طاير فى الجنة مع نعمة ربنا كلمات ومزيكا والدنيارة معايا وكان نفسى مش يتالتنا الشيطان ! – كان نفسى يخاوينا الشيطان - فوقتنى منها لله وخرجتنى عن شعورى – ساعات بحاول انسى نفسى حالى واحلم – ده انا نفسى اشوف البت دى عشان اسألها سؤال واحد بس- ترد عليه بأغنية
أغنية مرة واحده ؟ ده انت عايز بقى تخش التاريخ ياعم .
آه !!
أغنية ليك انت ؟
آه – ليه - مالى فيا ايه ؟ هه
جتك نيلة – وعايز تسألها عن ايه ياتيس افندى؟
لو انا عملت عملية تجميل تقبل تتجوزنى ؟
وحضرتك متوقع تجاوبك بغنوة ؟
ليه لأ !!
اقترح عليك غنوة ؟
اتفضل
شاطر شاطر – او الدنيا حلوة
شفت !
شفت ايه ؟ ده لو انا مكانها ارد عليك بان الدنيا حلوة ابعد عنى ومتوسخش حياتى – شاطر شاطر تعيش وتاخد غيرها يابابا – دورك عددا خلاص – روح احجز فى الدور
دور ايه
مدافن المحافظة الجديدة – أصلها بالحجز – والاولوية للى يدفع كاش – يقوموا يسلموه من الدفعة اللى تشرح القلب وترد الروح – بتاعة المواطن السعيد اللى لازم يتكرررررم عشان تاريخة فى الكفاح المشلح المشررررف – اللى عاشه فى البلد دى وخاض معارك ضروس وتغلب عليها وقهرها كلها – وقهرته ناسى عجرم فقط.
أصلها عميلة – الموساد وال سى آى ايه بيدفعوا لها عشان تشغل الزعماء والشعوب وراها يقوم يتلهوا فى خبيتهم وراها –
بس دى عاملة مشاكل جامدة قوى ؟
ايوة يابا – دى ست الحسن – وكل واحدة كانت فاكرة روحها حلوة – فاقت دلوقتى – خلص الزمن بتاعهم خلاص- بقى فى زمن تانى جديد – زمن نانس . زمن نانسى عجرم
انبى توعدنا يارب.
بنانسى
لأ – بمدفن من بتوع المحافظة
تعمل بيه ايه؟
زى كل الناس مابتعمل – احجز لى مكان اتتتاوى فيه لما يأذن ربنا
وتشغل بالك ليه بالموضوع ده ؟ هو أنا كمان حفكر اندفن فين بعد ماموت ؟ - ياعم دول عملوه بزنس عشان ياخدوا اللى فاضل من الواحد قبل مايموت .
بس تقدر تنكر ان البت دى حلللللللت الدنيا ؟؟
دى ؟ دى الدنيا هى اللى اتخلقت لها عشان تحلى بيها - ياسيدنا دى واحدة من اتنين لن يناساهم التاريخ العربى .
هي ومين ؟
جولدا مائيير – فاكرها ؟
وايه دخل نانسى بدىكمان ؟– دى واحدة سفاحة
لكن نانسى خلت العيال يحسوا انهم رجالة وكبار
والتانية ؟
عملت الى قالوا انهم رجالة ..... نسوان .
ومادام الزمن بيدور – يبقى الدور على واحدة تيجى تفضح اللى عاملين رجالة فى زمن الغلبانة نانسى .
ياعم متكونش متشائم قوى كده ؟
ابدا والله ده انا متفائل وسعيد جدا بالحاضر ده – بس كان نفسى اعيش لما تيجى التانية عشان اتشفى من اللى فى بالى .
قصدك ايه ؟
ياعم ولا حاجة – خلينا نعيش – ناكل عيش ونغمس عالريحة وخلاص – اهو الواحد يبص فى صورة الجميل ده ويغمض عنيه ويمشى بخفة ودلع ويشوف الدنيا هيا الشابة وهو الجدع – تشوف رشاقة خطوتك تعجبك – لكن انت لو بصيت لرجليك تقع – وعجبى .
د/وائل وسيم المصرى
اللهم صلى وأسلم وبارك عليك ياحبيى ياسيدى يارسول الله يامحمد
ماطلع فجر يوم ودق قلب وقطرت سماء وجرى دم فى عروق